Sý resýrstary mınıstri jambyldyq dıqandarǵa qalaı kómekteskenin aıtty

Sý resýrstary jáne ırrıgatsııa mınıstri Nurjan Nurjigitov Jambyl oblysynyń ákimi bolyp turǵan kezeńdegi qyzmetine syn aıtýshylarǵa jaýap berdi, dep habarlaıdy Kazinform.

«Iá, áleýmettik jelide bul másele talqylanyp jatyr. Sýmen qamtamasyz etý baǵytynda bul jyl aýyr boldy. Jergilikti ákimdik tarapynan aýqymdy jumys jasaldy. Ol kórine bermeıdi. Sharýa qojalyqtary shekken shyǵyndy barynsha azaıttyq. Jambyl oblysy tamyzdyń basynda Kırov sý qoımasyndaǵy sýdy nege sarqyp paıdalanyp tastady dep suraıtyndar bar. Olaı istemesek, egilgen daqyldyń bári ysyrap bolatyn edi. ıAǵnı, sharýa qojalyqtarynyń shyǵyny qazirgiden áldeqaıda qomaqty bolar edi.

Jambyl oblysyndaǵy 100 myń gektar sýarmaly jerdiń 72 myń gektaryna kókónis egiledi – kartop pen baqsha daqyldarynyń úlesi kóp. Tamyzdyń alǵashqy on kúninde bul daqyldardyń alǵashqy legi jınalady. Bizdiń sheshim osy daqyldardy saqtap qalýǵa múmkindik berdi.

Sharýalar ózderi mejelegen túsimdi aldy. Iá, shyǵyn boldy. Qazir Úkimet sheshimimen sharýalardyń shyǵynyn óteýge 3,7 mlrd teńge bólindi. Onyń kóbi negizinen qant qyzylshasy, júgeri, kópjyldyq sheshimder», – dedi Nurjan Nurjigitov.

Mınıstr ózine qatysty syndarǵa baıyppen qaraıtynyn aıtty.

«Synǵa qalypty qaraımyn. Kerisinshe, syn bizdi jaqsyraq qamshylaıdy», – dedi vedomstvo basshysy.

Eske salaıyq, bıylǵy tamyz aıynda Jambyl oblysynyń Baızaq, Jambyl, Qordaı, Merki, Turar Rysqulov jáne Talas aýdandarynda aýa raıynyń qalyptan tys ystyq bolýy jáne sýarmaly sý tapshylyǵyna baılanysty tótenshe jaǵdaı jarııalanǵan bolatyn. 

Sondaı-aq búgin mınıstr Nurjigitov Jambyl oblysynda ákim bolyp turǵan kezinde orynbasary bolǵan Erbolat Ybraıhanovty mınıstrlikke ne úshin alyp kelgenin túsindirgen edi.