Stýdentterden kadrlyq rezerv qalyptastyrý úshin Student’s Book quraly jasaldy

NUR-SULTAN. QazAqparat – ІT mamandyǵynda oqıtyn daryndy stýdentterden kadrlyq rezer qalyptastyrýǵa baǵyttalǵan Student’s Book tsıfrlyq quraly jasaldy. Bul týraly Qazaqstan Respýblıkasy Prezıdenti Іs basqarýshysy Aıbek Dádebaev jazdy, dep habarlaıdy QazAqparat.

A.Dádebaevtiń málimetinshe, QR Prezıdenti Іs basqarmasyna qarasty uıym – «Materıaldyq-tehnıkalyq qamtamasyz etý basqarmasynyń ınjenerlik ortalyǵy» RMK qyzmetkerleri Student’s Book tsıfrlyq quralyn jasap, paıdalanýǵa engizdi.

«Jobanyń maqsaty – atalǵan kásiporynnyń kadrlyq áleýetin nyǵaıtý úshin elimizdiń úzdik joǵary oqý oryndarynyń talantty stýdentteri arasynan kadrlyq rezerv qalyptastyrý. Joba, sonymen birge Qazaqstannyń daryndy jastaryna ІT-baǵytynda tájirıbe jınaqtaýǵa múmkindik beredi jáne jańa mamandarǵa kómek bolady», - dedi QR Prezıdenti Іs basqarýshysy.

Atap ótilgendeı, Astana IT University stýdentteri birden qyzyǵýshylyq tanytyp, kásiporyn bazasynda «kıberqaýipsizdik», «baǵdarlamalyq ınjenerııa», «úlken derekter taldaýy», «kompıýter ǵylymdary» jáne ózge de baǵyttar boıynsha tájirıbeden ótýge 20-dan astam ótinim jiberdi. Eki stýdent óndiristik tájirıbege qabyldanǵan.

Aldaǵy ýaqytta Student's Book tsıfrlyq quralyn QR PІB-niń barlyq vedomstvolyq mekemelerine engizý múmkindigi pysyqtalatyn bolady.