Stýdentter shákirtaqysy kóterile me
ASTANA. KAZINFORM – Ǵylym jáne joǵary bilim mınıstrligi stýdentterdiń shákirtaqysyn jyl saıyn kóterý múmkindigin pysyqtaıdy. Bul týraly mınıstr Saıasat Nurbek aıtty.
- Sońǵy 5 jylda shákirtaqyny jyl saıyn 20-25 paıyzǵa kezeń-kezeńmen kóterdik. Qazir mine 100 paıyzǵa artyp otyr. 2025 jyly biz bul baǵdarlamany aıaqtadyq. Endi Úkimetpen shákirtaqy mólsherin jyl saıyn arttyrý úshin baǵdarlamany qaıta jańǵyyrtý múmkindigin pysyqtaımyz, - dedi mınıstr Úkimet otyrysynan keıingi brıfıngte.
Saıasat Nurbektiń aıtýynsha, doktoranttardyń shákirtaqysy jaqsy kóterildi. Búginde olar aı saıyn shamamen 254 myń teńge shákiratqy alady. Onyń mólsherin aldaǵy ýaqytta da kezeń-kezeńmen kóterý josparlanǵan.
Mınıstr qosylǵan qun salyǵynyń artýyna baılanysty joǵary oqý oryndarynda bilim alý qunynyń ózgerý múmkindigine qatysty da pikir bildirdi. Onyń sózine qaraǵanda, memlekettik joǵary oqý oryndarynda oqý quny retteledi jáne ınflıatsııany eskere otyryp, 10 paıyzǵa deıingi shekte túzetýge ruqsat beriledi.
- Sondyqtan bıyl da tejep, barlyq joǵary oqý ornymen keńesemiz ári oqý aqysynyń kúrt ósýine jol bermeımiz, - dedi ol.
Buǵan deıin Májilis depýtaty agrarlyq mamandyq stýdentteriniń shákirtaqysyn kóterýdi usynǵan edi.