Stýdentter ǵarysh aılaǵynyń qurylysyna qatysady

ASTANA. QazAqparat - Jeksenbi kúni Amýr oblysynda Vostochnyı ǵarysh aılaǵyndaǵy Búkilreseılik stýdenttik  qurylys jumystary bastaldy. Bıylǵy jazda reseılik jańa ǵarysh aılaǵynyń qurylysyna Reseıdiń 19 óńirinen kelgen 380 stýdent qatysady, dep habarlady arnaıy nysandar boıynsha bas áskerı-qurylys basqarmasynyń baspasóz qyzmeti TASS agenttigine.

«Stýdentter qurylysynyń bul kezeńi eki aıǵa josparlanǵan. Árbir qurylysshylar jasaǵyna, árbir stýdentke kásiporynnyń tájirıbeli sheberleri jetekshilik etedi»,- dedi baspasóz qyzmeti.

Kásiporynnyń málimetinshe, kosmodrom qurylysyna qatań baıqaýdan ótken úzdik jasaqtar kelgen. 163 qurylys jasaǵynyń ishinde tek 28-i ǵana ǵarysh aılaǵyna joldama aldy. Sonymen qatar, áskerı-qurylys kesheniniń qurylys aýmaǵynda onyń 22-si ǵana jumys isteıdi. Stýdentterdi 5 myń metrden astam joldar men trotýarlardyń jıegin jasaý, 2 myń sharshy metrge jýyq jaıaý júrginshiler jolyna plıtkalar tóseý, 4 myń sharshy metr aýmaqty sylaý jumystary kútip tur.