Stýdentter ekken botanıkalyq baq qyzylordalyqtardyń súıikti demalys ornyna aınaldy
QYZYLORDA. KAZINFORM - Bul botanıkalyq baqta 3 myńnan astam aǵash bar. Bul jer buryn stýdentterdiń ǵylymı jumystaryna ǵana arnalǵan agrobıologııalyq ortalyq bolatyn. Ótken jyly botanıkalyq baq jáne jylyjaı sharýashylyǵy retinde qaıta quryldy.
Sodan beri bul nysan qala turǵyndary men qonaqtarynyń súıikti demalys ornyna aınaldy.
– Turǵyndardyń júrip-turýyna qolaıly jaǵdaı jasaý úshin baqqa tas tósenishter tóselip, shatyr ornatyldy. Arnaıy oryndar jasalyp, ishi jaryqtandyryldy. Qazir munda 18 túrli 3 myńnan astam sándik tal, jemis aǵashy bar. Baqtyń jalpy kólemi 5 gektar shamasynda. Budan bólek, ótken jyldan bastap aýmaǵy 800 sharshy metr bolatyn jylyjaı iske qosyldy, – dedi Qorqyt ata atyndaǵy Qyzylorda ýnıversıtetiniń ǵylymı jumystar jáne halyqaralyq baılanystar jónindegi prorektory Maınur Bóribaeva.
Jylyjaıda bıologııa jáne agronomııa baǵytynda bilim alyp jatqan jastar zertteý júrgizip, tájirıbeden óte alady. Stýdentter byltyr shilde, tamyz aılarynda ózderi ekken qııar, qyzanaqty jınap, dámin de tatty.
Aıta keteıik, Almatydaǵy botanıkalyq baqta birqatar aýrýdyń aldyn alýǵa kómektesetin jemis ósedi.