Stýdentter alıansy jasóspirimderdi Pfizer vaktsınasyn alýǵa shaqyrady

ALMATY. QazAqparat - Almaty jastar birlestikteriniń kóshbasshylary jasóspirimderge koronavırýs ınfektsııasyna qarsy ekpe alýǵa shaqyrdy, dep habarlaıdy QazAqparat tilshisi.

«Koronavırýstyń «delta» nusqasy óte qaýipti ekeni qupııa emes.Onyń aınalymyn eskere otyryp, men jasóspirimderdi vaktsınalaýdy bastaýǵa barlyq negizderdi kórip otyrmyn, onyń ústine bizde Pfizer sııaqty qorǵaný quraly bar», - deıdi «Almatynyń stýdentter alıansy» korporatıvtik qorynyń basshysy Jasulan Qýandyq.
Stýdentter alıansynyń jetekshisi elimizde koronavırýsqa qarsy ımmýndaý qoljetimdi jáne aqysyz ekenin, sondyqtan eresekter kelip, vaktsınatsııadan ótip, balalardy aýrýdan qorǵaýy kerek ekenin atap ótti.
Onyń keltirgen málimeti boıynsha Almatyda 18 jasqa tolmaǵan 180 myńǵa jýyq stýdent bar. Olardyń árqaısysymen eriktiler vaktsınatsııa máseleleri boıynsha túsindirý jumystaryn júrgizedi.

Jastar kóshbasshysynyń pikirine Almaty qalasynyń jastar saıasatyn damytý memlekettik qory jobalarynyń ákimgeri Mádına Imanǵojanova qosyldy.
Onyń pikirinshe, ata-analar vaktsınatsııadan keıingi asqynýlardan qoryqpaýy kerek, jasóspirimder Pfizer vaktsınatsııasyn jeńil qabyldaıdy, al koronavırýstyń asqyný qaýpi birneshe ese joǵary.
Aıta keteıik, ótken jumadan bastap Pfizer preparatymen 160 júkti áıel, 552 bala emizetin ana jáne 1130 jasóspirim ekpe aldy.