Strategııalyq baǵdarymyzǵa saı áreket etýimiz kerek – Memleket basshysy

Qasym-Jomart Toqaev: Memleketter arasyndaǵy baqtalastyq ýshyǵyp baradyGeosaıası teketires jáne memleketter arasyndaǵy baqtalastyq ýshyǵyp barady. Bul týraly «Altyn Sapa» jáne «Paryz» syılyqtarynyń ıegerlerin marapattaý rásiminde Prezıdent Qasym-Jomart Toqaev aıtty, dep habarlaıdy Kazinform.

«Men osy alqaly jıynda basqa da birqatar mańyzdy máselege arnaıy toqtalǵym keledi. Qazir búkil álem túbegeıli betburys kezeńine qadam basty. Adamzat asa kúrdeli syn-qaterlermen betpe-bet kelip otyr. Geosaıası teketires jáne memleketter arasyndaǵy baqtalastyq ýshyǵyp barady. Osyndaı qubylmaly kezeńde biz strategııalyq baǵdarymyzǵa saı áreket etýimiz kerek», - dedi Prezıdent.

Memleket basshysy jan-jaqty josparlap, tııanaqty jasalǵan sharýa erte me, kesh pe, jemisin beretini sózsiz ekendigine nazar aýdartty.

«Mysaly, biz sońǵy jyldary bilim berý salasyna basa mán berip kelemiz. Naqty sheshimder men sharalardyń arqasynda muǵalim mártebesi áldeqaıda kóterildi. Mekteptegi oryn tapshylyǵyn joıý úshin arnaıy baǵdarlama júzege asyrylýda. Bıyl júzge jýyq bilim oshaǵy boı kóterdi. Qazirgi tańda osyndaı aýqymdy jumystyń naqty nátıjesi bar. Atap aıtqanda, halyqaralyq PISA reıtıngi boıynsha Qazaqstandaǵy orta bilimniń sapasy edáýir artty. Basqa da salalarda oń ózgeris bar», - dedi Qasym-Jomart Toqaev.