Strandja Kýbogy: Boksshylarymyz jarysty sátti bastady

ASTANA. KAZINFORM – Kishi álem chempıonaty sanalatyn Bolgarııadaǵy Strandja kýbogyn qazaqstandyq boksshylar sátti bastady.

Atap aıtsaq, jarystyń birinshi kúni sharshy alańǵa Qazaqstannan tórt boksshy shyǵyp, barlyǵy qarsylastarynan basym tústi.

54 keli salmaqta synǵa túsken otandasymyz Dáýlet Moldashev birinshi jekpe-jeginde qyrǵyzstandyq Rýslan Ernstýýlýdy jarys jolynan taıdyrdy. 60 keli salmaqta el namysyn qorǵap jatqan Rýslan Kúzeýbaev grýzııalyq Artıýsh Gomzıanıden aılasyn asyrdy.

Al 67 keli salmaqta judyryqtasyp jatqan otandasymyz Dýlat Bekbaýov Bolgarııadan kelgen Blagovest Nedelchevty qapy qaldyrdy.

Sonymen qatar 80 kelide synǵa túsken Tursynbaı Qulahmet taǵy bir bolgarııalyq boksshy Nıkolaı Dıshkovty esh qıyndyqsyz utty.

Bıylǵy básekede 28 elden 178 boksshy 13 salmaqta júldeni sarapqa salady.

Atalǵan týrnır 12 aqpanda máresine jetedi.

Aıta keteıik, 2023 jyly ótken jarysta Orazbek Asylqulov (57 keli) – kúmis jáne Nurqanat Raıys (75 keli) – qola júldeger atanǵan bolatyn.