Strandja kýbogy-2024: Qaı el qansha medal jeńip aldy

ASTANA. KAZINFORM – Kishi álem chempıonaty atalyp ketken Bolgarııa astanasy Sofııa qalasynda ótken Strandja kýbogynda Qazaqstan quramasy 1 altyn, 1 kúmis, 1 qola medalmen jalpy komandalyq esepte aldyńǵy bestikke kirdi.

Qazaqstan quramasynan altyndy 67 kelide óner kórsetken Dýlat Bekbaýov, kúmisti 51 kelide Sanjar Táshkenbaı, qola júldeni 80 kelige deıingi salmaqta Tursynbaı Qulahmet qanjyǵasyna baılady.

Al jalpy komandalyq esepte Ózbekstan boksshylary kósh bastady. Olardyń enshisinde 5 altyn, 2 kúmis, 5 qola medal bolsa, ekinshi oryndy 2 altyn, 2 kúmis, 2 qola medalmen úndi boksshylary jeńip aldy. Úzdik úshinshi orynǵa Bolgarııa boksshylary ıe boldy. Olardyń enshisinde 1 altyn, 4 kúmis júlde bar.

Jalpy komandalyq esep:
1. Ózbekstan — 5-2-5
2. Úndistan — 2-2-2
3. Bolgarııa — 1-4-0
4. Ýkraına — 1-1-3
5. Qazaqstan — 1-1-1
6. Grýzııa — 1-0-3
7. Qyrǵyzstan — 1-0-0
7. Qytaı — 1-0-0
9. Aljır — 0-1-4
10. Tájikstan — 0-1-0
10. Grekııa — 0-1-0
12. Iran — 0-0-2
13. Túrkııa — 0-0-1
13. Frantsııa — 0-0-1
13. Mońǵolııa — 0-0-1
13. Armenııa — 0-0-1
13. Lıtva — 0-0-1
13. Irlandııa — 0-0-1.

Aıta keteıik, bıylǵy Strandja kýbogyna Qazaqstan birinshi nómirli boksshylaryn aparǵan joq. Sebebi, Ulttyq quramanyń negizgi quramy Bokstan Italııanyń Býsto-Arsıtsıo qalasynda ótetin lıtsenzııalyq týrnırge qatysady.