Strandja-2025: Taǵy úsh boksshymyz jartylaı fınalıster qataryn tolyqtyrdy

ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginiń» tórtinshi jarys kúninde Qazaqstan quramasynan taǵy úsh boksshymyz jartylaı fınalǵa joldama aldy.

Olardyń qatarynda 63.5 keli salmaqta el namysyn qorǵap jatqan Muhammedsabyr Bazarbaıuly ırlandııalyq Djeıson Nevınge myqtylyǵyn moıyndatty. Esep – 5:0.
Al osy salmaqta taǵy bir otandasymyz Ertýǵan Zeınýllınov shırek fınalda ázerbaıjandyq Rýslan Rýstamovty jeńip shyqty. Esep – 4:1.

Sondaı-aq, 75 kelige deıingi salmaqta jerlesimiz Tımýr Nurseıitov te jartylaı fınalǵa shyqty.

Ol shırek fınalda ázerbaıjandyq Rasım Chobanlımen kezdesti. Birinshi raýndta tóreshiler basymdyqty qarsylasyna berdi. Alaıda, keıingi eki raýndta shabýylda shıraq, qorǵanysta myǵym bolǵan Tımýr jeńiske jetti. Esep – 5:0.

Al 60 keldie óner kórsetetin Serik Temirjanov búgin alǵashqy jekpe-jegin ótkizip, kelesi aınalymǵa qınalmaı ótti. Ol ırlandııalyq Rız Oýensten judyryqtasyp, úsh ranýd qorytyndysy boıynsha Temirjanov aıqyn basymdyqpen jeńdi. Esep - 5:0.

Talǵat Syrymbetov te qarsylasyn aıqyn basymdyqpen utty. Otandasymyz jergilikti boksshy Tınko Banabakovpen qolǵap túıistirgen bolatyn. Qarsylasy ekinshi raýndta basynan aýyr jaraqat alyp, jarysty ary qaraı jalǵastyrýdan bas tartty.

71 kelige deıingi salmaqta Sabyrjan Aqqalyqov ıtalııalyq boksshyny úıine qaıtardy. Ol jekpe-jek otandasymyzdyń aıqyn jeńisimen aıaqtaldy. Remo Salvatıdi 5:0 esebimen jeńip shyqty.

Esterińizge sala keteıik, osyǵan deıin taǵy eki boksshymyz jartylaı fınalǵa shyqqanyn jazǵan edik.