Strandja-2025: Aıbek Oralbaı fınalda súrindi
ASTANA. KAZINFORM - Bolgarııa astanasynda ótip jatqan bokstan halyqaralyq «Strandja kýbogynda» el namysyn qorǵap jatqan Aıbek Oralbaı fınalda súrindi.
Parıj Olımpıadasynan keıin aýyr salmaqqa aýysqan Aıbek Oralbaı kishi álem chempıonaty atanyp ketken «Strandja kýbogynyń» fınalynda ózbekstandyq boksshydan tóreshiler sheshimimen utylyp, kúmis júldeni qanaǵat tutty.
Otandasymyz fınalda ózbekstandyq Jahongır Zakırovtan utyldy.
Sondaı-aq, taǵy eki boksshymyz kúmis júldegen qol jetkizdi.
Al áıelder boksynan otandastarymyz 1 altyn, 6 kúmis, 8 qola medal jeńip aldy.
Osyǵan deıin Nurbek Oralbaı da kúmis júlde ıegeri atanǵan bolatyn. Ol fınalda Bekzat Nurdáýletovpen judyryqtasýy kerek bolatyn. Alaıda, Nurbek jolyn Bekzat Nurdáýletovke berip, sharshy alańǵa shyǵýdan erikti túrde bas tartty.
Al Bekzat bul salmaqta jekpe-jeke shyqpaı-aq chempıon atandy.