Aqmola oblysynda 23 mln teńgeden astam alıment óndirildi

ASTANA.KAZINFORM - Stepnogorsk qalasy prokýratýrasynyń sharalarymen 23 mln teńgeden astam alıment óndirildi.

Stepnogorsk qalasynyń prokýratýrasy balalardyń quqyqtaryn qorǵaý jáne áleýmettik saladaǵy zańdylyqty saqtaý boıynsha júıeli jumystar júrgizip jatyr.

Alıment tóleýden qasaqana jaltarǵan eki boryshker Qazaqstan Respýblıkasynyń Qylmystyq kodeksiniń 139-baby boıynsha qylmystyq jaýapqa tartylyp, olarǵa 300 saǵattyq qoǵamdyq jumystar túrinde jaza taǵaıyndaldy. Sonymen qatar jeti boryshker ÁQBtK–niń 669-baby boıynsha ákimshilik jaýaptylyqqa tartylyp, 2-den 5 táýlikke deıingi ákimshilik qamaýǵa alyndy.

Osy jyly qadaǵalaý sharalarynyń nátıjesinde kámeletke tolmaǵan balalardyń paıdasyna 23 mln teńgeden astam mólsherinde alıment óndirildi.

Prokýratýramen eki jeke sot oryndaýshylarynyń qyzmetinde tabysyn tómendetip kórsetý arqyly salyq tóleýden jaltarý túrindegi buzýshylyqtardy anyqtady. Qadaǵalaý aktisiniń nátıjesinde olardan bıýdjetke 855 myń teńge óndirildi.

Qoldanystaǵy zańnamany buzǵany jáne jumystaǵy olqylyqtary úshin alty sot oryndaýshyǵa tártiptik jaza qoldanyldy.

Prokýratýramen qabyldanǵan sharalar azamattardyń buzylǵan quqyqtaryn qalpyna keltirýge, sot aktileriniń oryndalý tıimdiligin arttyrýǵa jáne sot oryndaýshylary qyzmetindegi zańdylyqty nyǵaıtýǵa múmkindik berdi.

Aıta keteıik, Shymkentte alımentke 4,8 mln teńge bereshegi bar er adam sottaldy.

Prokýratýra balalar ortalyǵy tárbıelenýshisine 1,1 mln teńge alıment óndirip berdi.

ShQO-da stýdent qyz alıment tólemegen ákesin sotqa berdi.