Sport men úshin únemi alǵashqy orynda - Tartyl Fest týrnıriniń astanalyq fınalısi

ASTANA. QazAqparat – 18 jasar astanalyq Danııl Eşenko 11-synypta oqıdy. Ol Tartyl Fest respýblıkalyq týrnıriniń grand-fınalyna qatysady. Osy oraıda jas sportshy týrnırdiń aqtyq synyna daıyndyq barysy týraly QazAqparat tilshisine aıtyp bergen edi.

«Daıyndyq qyzý júrip jatyr, joǵary nátıje kórsetý úshin bar kúshimdi salýdamyn. Jeke jattyqtyrýshym maǵan serpin berip, úmit uıalatady. Grand-fınalda jaqsy nátıje kórsetemin dep oılaımyn», - deıdi Danııl.

Ótken jyly elordada ótken Tartyl Fest týrnıriniń fınalynda Danııl óz sanaty boıynsha (18 jasqa jáne 55 kelige deıin) birinshi oryn ıelendi.

«Shynymdy aıtaıyn, birinshi oryn alamyn dep oılamadym. Týrnırge sportqa qyzyqqandyqtan barǵam, qatysqanyma ókinbeımin. Týrnıkke 30 ret tartyldym. Aldyn ala sonshalyqty daıyndalǵan joqpyn. Shamamen úshinshi oryn alsam dep úmittenip barǵam», - deıdi bozbala.

Sondaı-aq, astanalyq Tartyl Fest týrnıriniń aqtyq synynda baryn salatynyn jetkizdi.

«Grand-fınalda qarsylastarym jete almaǵan nátıjeni kórsetetin bolamyn», - dedi Danııl.

Aıtýynsha, elordalyq oqýshy buryn aralas MMA kúresimen aınalysqan.

«Kóship qonýdan boks pen kúresti qoıýǵa týra keldi. Olardy jattyǵý zalyna aýystyrdym», - deıdi ol.

Jas sportshynyń málimdeýinshe, Tartyl Fest sekildi is-sharany uıymdastyrý sporttyq turǵydan ǵana emes materıaldyq jaǵynan da paıdasy bar.

«Tartyl Fest – óte jaqsy joba. Adamdarǵa kóńil kúı syılaıdy, aqshalaı syıaqy beriledi. Ol qarjyǵa bireý nesıesin jabýy múmkin nemese jaqyndaryna kómektese alady. Bul Tartyl Fest –tiń arqasy. Sonymen qatar buqaralyq sportty damytýda paıdasy mol», - dep túsindirip ótti D. Eşenko.

Danııl mektepti bitirgen soń stomatolog mamandyǵyn meńgerýdi josparlap otyr.

«Sportty aldyńǵy oryna oqý jaǵynan kishkene problema bar. Sport – qazir men úshin basty orynda, tastaǵym kelmeıdi. Bolashaq mamandyǵyma kelsem, stomatolog bolý josparym bar, bolmasa sport salasyna baramyn. Sportty bala kúnimnen unatamyn. Sport men úshin únemi alǵashqy orynda», - deıdi astanalyq jas sportshy.

Eske salaıyq, 18 aqpan kúni elordada Tartyl Fest respýblıkalyq týrnıriniń grand-fınaly ótedi.

Jarysty QR Prezıdenti janyndaǵy «DARA» talanttardy qoldaý qorynyń bastamasymen uıymdastyrdy.

Joba ıdeıasyn belgili qazaqstandyq prodıýser Nurlan Qoıanbaev usynǵan, al jobanyń brend-elshisi – «Street Workout» boıynsha rekordsmen Aıtym Jaqypov.

Grand-fınalǵa óńirlik irikteý jarystarynda úzdik nátıje kórsetken 170 sportshy qatysady. Qatysýshylardyń jasy – 14-51 aralyǵynda.