«Sóztúzer» sózdigi týǵan tildi tuǵyryna nyq qondyrýǵa arnalǵan naqty joba – Dáýren Abaev
«Sóztúzer» sózdigi týǵan tildi tuǵyryna nyq qondyrýǵa arnalǵan naqty joba. Onyń mańyzy da erekshe. Sebebi buqaralyq aqparat quraldary tildi qalaı qoldansa, qoǵamnyń, ásirese balalardyń tili solaı qalyptasady. Bul kıno, serıal jáne mýltfılmdegi aýdarmalarǵa da qatysty. Sondyqtan til tazalaǵy - túptep kelgende ult kelesheginiń máselesi. Osy oraıda sózdik jasaý úshin arnaýly jumys toby quryldy. Oǵan elimizdegi belgili ǵalymdar men til mamandary, jas redaktorlar men aýdarmashylar kirdi. Jyl basynan beri josparǵa sáıkes, óte aýqymdy jumystar júrgizildi. Elimizge taraıtyn elýden astam respýblıkalyq BAQ-qa monıtorıng jasalyp, myńdaǵan qate qoldanys anyqtaldy. Olar jan-jaqty taldanyp, jikteldi», - dedi ol.
Onyń atap ótýinshe, bul sózdik eń aldymen buqaralyq aqparat quraldaryna, ýnıversıtetterge, memlekettik organdarǵa taratylady.
«Jyl sońyna deıin arnaýly saıtqa salýdy kózdep otyrmyz. Sondyqtan bul jumystyń basy dep esepteımiz.Munan bólek, Bilim jáne ǵylym mınıstrligi sózdikti memlekettik tapsyrys aıasynda jetkilikti deńgeıde shyǵarýdy josparlap otyr. Jumys toby músheleriniń jýrnalısterge, baspasóz hatshylaryna, baıandama jazatyn spıchraıter mamandarǵa arnalǵan sheberlik sabaqtaryn uıymdastyrý qajet», -dedi Dáýren Abaev.
Aıta keteıik, búgin elordada QR Prezıdenti Qasym-Jomart Toqaevtyń alǵysózimen buqaralyq aqparat quraldary mamandaryna arnalǵan «Sóztúzer» sózdiginiń tusaýkeser rásimi ótti.
QR UǴA akademıgi, fılologııa ǵylymdarynyń doktory, professor Sherýbaı Qurmanbaıulynyń jetekshiligimen jaryq kórgen sózdikte respýblıkalyq BAQ-tan jınalǵan qate qoldanystar sóz, sóz tirkesi túrinde naqty mysaldarmen berilgen. Berilgen mysaldardyń leksıkalyq, grammatıkalyq, orfografııalyq,orfoepııalyq, pýnktýatsııalyq, stıldik qateniń qaı túrine jatatyndyǵy kórsetiledi. Ondaı qatelerge jol berilýiniń sebepteri aıqyndalyp, qoldanylýy tıis durys nusqasy usynylady.
