«Sóz saptaýdaǵy samarqaýlyq» - baspasózge sholý
*** «Aıqyn» gazetiniń jazýynsha, sáýir aıynan bastap barlyq áleýmettik tólemderdiń kólemi artady. Al múgedekterdi jumysqa ornalastyrýdyń jol kartasy jasalady. Osyndaı áleýmettik qorǵaýdyń barlyǵyn zańdyq turǵydan bekitý úshin Eńbek jáne halyqty áleýmettik qorǵaý mınıstrligi Parlamentke jańa zań jobasyn engizdi. Bul jóninde Ortalyq kommýnıkatsııalar qyzmetinde ótken baspasóz máslıhatynda belgili boldy. Eńbek jáne halyqty áleýmettik qorǵaý mınıstri Tamara Dúısenova depýtattar qaraýyna jiberilgen áleýmettik paketter elimizdegi áleýmettik jaǵynan qorǵalmaǵan azamattardyń barlyq sanatyn qamtıtynyn jáne osy maqsatta qansha qarjy qarastyrylǵanyn aıtyp berdi. - Bıýdjette qarastyrylǵan soma 53,4 mlrd teńge. Onyń ishinde 51,3 mlrd teńge respýblıkalyq bıýdjetten qarjylandyrylatyn baǵdarlamalarǵa jumsalady, qalǵan 2,1 mlrd teńgesi jergilikti bılik organdaryna balalarǵa arnalǵan tólemderge, az qamtylǵan otbasylarǵa ataýly kómek kórsetý úshin maqsatty transfertter retinde bólinedi, - dedi mınıstr. Bul jaıynda «Sáýirden bastap áleýmettik tólem artady» degen maqalada tolyq jazylǵan.
Osy basylymda «Prokýrorlar qyzmetten ketti» degen materıal berilgen. Bas prokýratýra 1 naýryz kúni Astana qalasynda «Shanhaı» dámhanasynyń qyzmetshileri men prokýratýra organdary qyzmetkerleriniń arasynda bolǵan kıkiljińniń sebepterine qyzmettik tekserý júrgizip, tıisti qorytyndy shyǵardy. Qorytyndyǵa sáıkes, prokýratýra qyzmetkerleriniń Ar-ojdan kodeksiniń normalaryn óreskel buzǵandyǵy jáne prokýratýra organdarynyń bedeline nuqsan keltiretin teris qylyq jasaǵany úshin Abzal Zańqoev Astana qalasy prokýrorynyń 2014 jylǵy 4 naýryzdaǵy buıryǵymen Astana qalasynyń «Esil» aýdany prokýrorynyń kómekshisi laýazymynan bosatyldy jáne prokýratýra organdarynan qyzmetten shyǵaryldy, Іlııas Ábdýálıev Bas prokýratýranyń Quqyqtyq statıstıka jáne arnaıy esepke alý jónindegi komıtetiniń Aımaqtyq kólik basqarmasy bastyǵynyń 3 naýryzdaǵy buıryǵymen atalmysh basqarmanyń aǵa prokýrory laýazymynan bosatylyp, prokýratýra organdarynan qyzmetten shyǵaryldy.
*** «Jas qazaq» gazetiniń jazýynsha, Qazaqstan Respýblıkasynyń Mádenıet mınıstri Arystanbek Muhamedıulyna Ǵ.Músirepov at. Balalar jáne jasóspirimder teatrynyń ujymynan hat jazyp otyr. «Qurmetti Arystanbek Muhamedıuly, bul qazirde Ǵ.Músirepov atyndaǵy balalar jáne jasóspirimder teatryndaǵy ahýaldyń ushyǵy ǵana. Bárin qaǵazǵa tizip bitirý múmkin emes. Bizdiń talabymyz: Talǵat Temenovty qyzmetinen alyp, teatrdyń órkendeýine jol ashyńyz! Bizdiń Temenovte «alty alasy, bes beresimiz» joq. Biraq, qazaq degen kıeli halyqtyń óner júgin arqalap júrgen azamattar bolǵandyqtan qulsha búgile bergendi jón sanamadyq. 68 maýsym eline qyzmet etip kele jatqan Kıeli ordamyzdyń batpaqqa batyp bara jatqanyna únsiz qaraı almadyq. «Adam qolymen shalajansar kúıge túsken ónerdiń sońǵy demi shyqqanyn kútip júre bermeı, qutqaraıyq!» degen nıetimizdi Siz túsinedi, qoldaıdy dep senemiz! Talabymyz oryndalmasa biz sahnaǵa shyǵýdan bas tartamyz!»,-delingen onda. Bul jaıynda «Teatr ujymynyń haty» atty materıalda berilgen.
*** «Ekspress K» basylymynyń búgingi sanynda «Bogdanets poshel pod sýd» degen materıal basyldy. Aqmola oblysynda sotqa bıznesmen Vıktor Bogdanetske qatysty qylmystyq is kelip tústi. Onyń áreketterin tergeýge bir jylǵa jýyq ýaqyt ketti. Ótken jyldyń sáýirinde Aqmola oblysynyń prokýratýrasy «Bogvı» JShS, «Agroholdıng Jana-Bas», «Enbek-Nan» quryltaıshysy Vıktor Bogdanetske qarsy qylmystyq isti qozǵady. Ol memlekettik nesıelerdi asa iri kólemde jymqyrdy degen kúdikke ilindi. Budan keıin tergeýmen qarjy polıtsııasy aınalysyp, kásipkerdi tutqynǵa aldy. Bank aldyndaǵy onyń qaryzy 338 mln. dollarǵa baǵalanyp otyr.
*** «Ana tili» basylymynyń sońǵy sanynda «Sóz saptaýdaǵy samarqaýlyq» degen kólemdi maqala jarııalandy. Til máselesi, tildi óz talabyna saı durys qoldanýdyń joldary men tásilderi erekshe mán berip otyrýdy qajet etedi. Alaıda kúndelikti ómirden baıqap júrgenimizdeı, sóıleý, sóılesý kezinde kóp adamdar til zańdylyqtaryn saqtaýdy eskere bermeıdi. «Qazirgi tildik qoldanystaǵy óreskel qateliktiń biri - etistikke jalǵanyp kóptik ma-ǵynany bildiretin -q//-k jiktik jalǵaýynyń orynsyz qoldanylýy. Máselen, tilimizde ǵa¬syr¬lar boıy qalyptasyp, qoldanylyp ke¬¬le jatqan «bara jatyrmyz»-dyń ornyna - «bara jatyryq», «oqyp otyrmyz»-dyń or¬nyna «oqyp otyryq», «kelip turmyz»-dyń ornyna «kelip turyq», «baryp júrmiz»-diń ornyna «baryp júrik» bolyp aıtyla bas¬taǵanyna biraz ýaqyt boldy»,-dep jazady maqala avtory.
