«Soıýz MS-13» kemesi halyqaralyq ǵarysh stansasyna ushyp jetti

BAIQOŃYR. QazAqparat – TASS – «Soıýz MS-13» kemesi jeksenbi kúni Halyqaralyq ǵarysh stansasynyń bortyna kelip jetti. Ekıpaj qatarynda Roskosmos ǵaryshkeri Aleksandr Skvortsov, sondaı-aq Endrıý Morgan (NASA) jáne Lýka Parmıtano (Eýropalyq ǵarysh agenttigi) bar, dep habarlaıdy QazAqparat TASS agenttigine silteme jasap.

HǴS bortynda jańa ekıpajdy reseılik Alekseı Ovchının, amerıkalyq Krıstına Kýk pen Nık Heıg qarsy aldy.

«Soıýz-FG» zymyrantasyǵyshy Baıqońyrdyń birinshi start alańynan senbi kúni ushyrylǵan bolatyn.

Ǵarysh kemesi stansaǵa alty saǵatta ushyp jetti de, avtomatty rejımde túıisti.

Aıta keteıik, MKS-60/61 ekspedıtsııasy kezinde ǵylymı-qoldanbaly zertteýler baǵdarlamasy aıasynda 50 eksperıment jasalady dep kútilýde. Onyń beseýi avtomatty rejımde, ekıpajdyń qatysýynsyz júrgiziledi.