«Soıýz MS-02» zymyranynyń Baıqońyrdan ushyrylatyn ýaqyty jarııa etildi

BAIQOŃYR. QazAqparat - Reseı «Soıýz MS-02» zymyrany ushyrylatyn jańa ýaqytty amerıkandyq seriktesterine eskertti. Bul týraly «Novostı kosmonavtıkı» saıty habarlady.

Reseılik UBO qoǵammen baılanys qyzmetiniń habarlaýynsha, ushyrylym 23 qyrkúıekten 1 qazanǵa aýystyrylǵan.

«Reseılik tarap NASA ortalyq keńsesin «Soıýz MS-02» zymyranyn ushyrý 1 qazanǵa aýystyrylǵany jóninde eskertti», - delingen habarlamada.

Keshe, 19 qyrkúıekte HǴS negizgi jáne qosalqy ekıpajdary Baıqońyrdan Máskeýge oralǵan bolatyn.