Sottarǵa túsetin isterdiń sanyn azaıtý baǵytynda naqty sharalar qabyldanýy qajet - QR Sýdıalarynyń VІ sezi
Bul týraly búgin QR Sýdıalarynyń VІ sezinde Joǵarǵy sot tóraǵasy Qaırat Mámı aıtty.
«Biz sottarǵa túsetin isterdiń sanyn azaıtý jóninde naqty sharalar qabyldaýymyz kerek. Joǵarǵy sot neǵurlym tıimdi rásimderdi kózdeıtin is júrgizý zańnamasyn jáne basqa da ózgertýler men tolyqtyrýlar ázirleýde. Bul rette bizge tıisinshe zań jobasyn daıyndaý barysynda Úkimettiń jáne basqa da memlekettik organdardyń kómegi qajet. Sóz ákimshilik organdar qabyldaıtyn sheshimderge mindetti túrde sotqa deıin shaǵym jasaý tetikterin engizý qajettigi týrasynda bolyp otyr», - dedi Q.Mámı.
Joǵarǵy sot tóraǵasynyń atap ótýinshe, aldaǵy ýaqytta aralyq sottar ınstıtýtyn odan ári jetildirý máselesi týyndap otyr. Óıtkeni, olardyń áleýeti ázirshe tolyǵymen paıdalanylmaýda.
«Sharýashylyq daýlardy sheshýde aralyq sottardyń tıimdi tetik retinde qajettiligi kórinýde», - dedi ol.
