Sottan tys bankrottyq rásimin qoldaný jeńildetildi

ASTANA. KAZINFORM — Endi azamattarǵa sottan tys bankrottyq rásimin bastaý úshin buryn eleýli kedergi bolýy múmkin birqatar qujat jınaýdyń qajettiligi joq.

Memlekettik qyzmet isteri agenttigi Qarjy mınıstrligine adamdy bankrot dep tanýǵa qajet qujattardyń sanyn barynsha azaıtyp, azamattarǵa qaryz máselelerin jedel sheshýge keń múmkindik berý jóninde usynymdar engizdi. Osy usynymdardyń negizinde Qarjy mınıstrligi sottan tys bankrottyq rásimin aıtarlyqtaı jeńildetti.

Atap aıtqanda, kelesi qujattardy tapsyrý talap etilmeıdi:

1) naqty qaryz somasyn rastaıtyn qujattar;

2) árbir nesıe berýshiniń ataýy týraly málimetter;

3) qaryzdy retteý áreketterin dáleldeıtin túrli anyqtamalar men málimetter.

Buryn azamattar qaǵaz túrinde málimetter jınaýǵa kóp ýaqyt jumsaıtyn bolsa, endi Memlekettik qyzmet isteri agenttiginiń usynymdary aıasynda tıisti aqparattyq júıeler ıntegratsııalanyp, Memlekettik kirister organdary negizgi málimetterdi tikeleı kredıttik bıýro júıesinen alady.

Nátıjesinde, bul shara isterdi qaraý úderisin birneshe ese jedeldetip, sottan tys bankrottyq rásimin ómirlik qıyn jaǵdaıǵa tap bolǵan áleýmettik osal sanattaǵy azamattar úshin qoljetimdi ári tıimdi kómek quralyna aınaldyrdy.

Osyǵan deıin bankrottyq rásiminiń saldary týraly materıal jarııaladyq.