Sottan qashyp júrgen Grýzııa azamaty Atyraýda ustaldy

ATYRAÝ. QazAqparat – Atyraý oblysy polıtsııa departamentiniń ekstremızmge qarsy is-áreket basqarmasynyń qyzmetkerleri 3 qarashada 35 jastaǵy Grýzııa azamatyn ustady, dep habarlaıdy QazAqparat oblystyq PD baspasóz qyzmetine silteme jasap.

«Er adamdy Grýzııa polıtsııasy 2012 jyldyń jeltoqsan aıynan beri alaıaqtyq jasaǵany úshin izdestirip kelgen. Oǵan qamaýǵa alý túrindegi bultartpaý sharasy tańdalǵan. 2017 jyldyń mamyr aıynda Tbılısı soty ony 7 jylǵa syrttaı bas bostandyǵynan aıyrdy», delingen habarlamada.

Qazirgi ýaqytta sheteldik azamat ýaqytsha ustaý ızolıatoryna qamaldy. Ony Grýzııaǵa ekstradıtsııalaý máselesi qarastyrylyp jatyr.