Sottalýshy aýyryp qaldy: Hosteldegi órtke qatysty sot otyrysy keıinge shegerildi

ALMATY. KAZINFORM — Almatyda 13 adam ólim qushqan hosteldegi órtke qatysty sot otyrysy kelesi aptaǵa qaldyryldy.

— Sottalýshy aýyryp qaldy. Sol sebepti, hosteldegi órtke qatysty sot otyrysy 12 maýsym tańǵy saǵat 10:00-ge shegerildi. Jaryssóz áli bastalǵan joq,— dep habarlady Almaly aýdandyq sotynan.

Buǵan deıin aıyptalýshy ALA Hostel dırektory Ádilbek Muhamedıarovqa qatysty bultartpaý sharasy jeńildetilgen túrine ózgertilgen bolatyn. ıAǵnı, sottalýshy úıqamaqqa aýystyryldy.

Aıta keteıik, is QR Qylmystyq kodeksiniń 292-babynyń 3-bóligi (Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý) boıynsha eki adamǵa aıyp taǵylyp otyr. Olar – Ádilbek Muhamedıarov pen Aleksandr Pekelnık.

Osyǵan deıin prokýror Nurazhan Myrzaly aıyptaý aktisin oqyǵan bolatyn.

Eske salaıyq, 2023 jyldyń 30 qarashasynda Ádı Sháripov, 86 mekenjaıy boıynsha «Almaty Hostel» hosteli órtengen bolatyn.

Tótenshe jaǵdaı departamentine órt týraly habarlama 05:33-te túsken. Órt saldarynan hostelde 13 adam qaıtys boldy.

Mert bolǵan 13 adamnyń tórteýi – sheteldikter (Reseı Federatsııasynyń 2 azamaty jáne Ózbekstannyń 2 azamaty), qalǵan toǵyzy – Qazaqstan Respýblıkasynyń azamattary.

Keıinirek órtengen hosteldiń ıeleri belgili boldy.

Hostel ǵımaraty Halyk Bank-ke tıesili. Ony jalǵa alǵan – «ALA Hostel» JShS. Jaldaý týraly kelisimshart 2023 jyly 21 qyrkúıekte jasalǵan.

2023 jyldyń jeltoqsan aıynda hosteldiń basshysy ustaldy.