«Sotsıs-A» ınstıtýy: jańa Konstıtýtsııa 87,4% daýys jınady

ASTANA. KAZINFORM – «Sotsıs-A» keshendi áleýmettik zertteýler ınstıtýty Konstıtýtsııalyq reforma jónindegi respýblıkalyq referendýmda júrgizilgen Exit poll nátıjesin jarııalady.

Instıtýttyń málimetinshe, daýys berý ýchaskelerindegi saılaýshylardyń qatysý deńgeıi 73,8% bolǵan.

Saýalnamaǵa qatysqan azamattardyń 87,4%-y jańa Konstıtýtsııany jaqtap daýys bergen.

Ortalyq referendým komıssııasynyń resmı málimeti boıynsha, elde barlyǵy 9 126 850 azamat daýys berýge kelgen. Bul referendýmda daýys berýge quqyly azamattardyń 73,24 paıyzy degen sóz. 

Referendýmda daýys bergen Memleket basshysy Qasym-Jomart Toqaev jańa Konstıtýtsııa jastarǵa arnalǵan temirqazyq ekenin aıtqan bolatyn. 

Buǵan deıin Ortalyq kommýnıkatsııalar qyzmetiniń Jalǵan aqparatqa qarsy is-qımyl ortalyǵy aqparat keńistigindegi referendýmmen baılanysty jarııalanymdarǵa monıtorıng júrgizip bastaǵanyn eskertken bolatyn. 

Syrtqy ister mınıstrliginiń málimetine súıensek, referendým kúninde 9 myńnan astam Qazaqstan azamaty sheteldegi ýchaskelerde daýys bergen.