Sot taqyrybyn jazyp-kórsetetin kásibı jýrnalıster qalyptastyrý asa mańyzdy - Q. Mámı
Búgin Astanada ótip jatqan Qazaqstan sýdıalarynyń VI sezi barysynda sóz sóılegen QR Joǵarǵy sotynyń tóraǵasy Qaırat Mámı osylaı málim etti.
Tóraǵanyń aıtýynsha, qoǵamnyń quqyqtyq sanasyn qalyptastyrýda buqaralyq aqparat quraldary mańyzdy ról atqarady. «Sondyqtan da, biz BAQ-pen ózara baılanysty jetildirýge mán beretin bolamyz. Búgingi kúni sot zalynan júrgiziletin reportajdardy quqyqtyq taqyrypta tájirıbesi joq jýrnalıster jasaıdy. Tipti naǵyz tapsyryspen jasalatyn reportajdar da jıi uıymdastyrylyp turady, al olarda sot úderisi men sheshimderi birjaqty ári aldyn ala kelisip-pishilgen baǵytta tarqatylady. Sondyqtan da, kásibı sot reporterlerin qalyptastyrý biz úshin asa ózekti», - deıdi Q. Mámı.
Bul rette tóraǵa sýdıalar qaýymdastyǵy men BAQ bul baǵyttaǵy jumysty qaıta jandandyrý kerektigin atap ótti.
