Sot oryndaýshylary 6 mlrd teńgeden astam somaǵa balalardyń múddelerin qorǵady
ASTANA. KAZINFORM – Sot oryndaýshylary 6 mlrd teńgeden astam somaǵa balalardyń múddelerin qorǵady. Bul týraly Ádilet mınıstrliginiń resmı ókili Talǵat Ýálı aıtty.
«Kúrdeli alımenttik óndiristerdiń kemýi elimizdiń óńirlerinde múlikke tyıym salýdy, májbúrlep jetkizýdi, sondaı-aq ádilet organdary men jeke sot oryndaýshylary palatalarynyń kómegimen boryshkerlerdi jumysqa ornalastyrý sııaqty keshendi sharalardyń arqasynda baıqalady», - dedi ol.
Máselen, resmı ókildiń dereginshe, alıment boıynsha bereshegi bar Almaty qalasyndaǵy boryshker qaryzdaryn óteý maqsatynda 3 bólmeli páterin óndirip alýshyǵa tabystap, aı saıyn 500 000 teńgeden tólep otyr. Al Pavlodar oblysyndaǵy boryshker bir mezgilde 5,5 mln, Aqmola oblysyndaǵy boryshker 65 mln teńge mólsherinde somany tóledi. Sondaı-aq Batys Qazaqstan oblysynda boryshker qaryzyn óteý maqsatynda medıatsııa tártibimen jeke úıin berdi.
«Mundaı mysal az emestigin atap ótkim keledi. Osylaısha, sot oryndaýshylarynyń kúshimen 6 mlrd teńgeden astam somaǵa balalardyń múddeleri qorǵaldy. Esterińizge sala keteıin, búgingi tańda 12 myń óndiris boıynsha bereshek áli de bolsa 14,6 mlrd teńgeni quraıdy», - dedi Talǵat Ýálı.
Aıta keteıik, buǵan deıin elimizdiń qaı óńirinde alıment tóleýden jaltarǵandar kóp ekenin habarlaǵan bolatynbyz.
