Sorbonna-Qazaqstan ınstıtýtynyń 22 magıstranty dıplom aldy
Saltanatty sharaǵa Qazaqstandaǵy Frantsııanyń Tótenshe jáne Ókiletti Elshisi Fılıpp Martıne, Parıj-Dıdro ýnıversıtetiniń halyqaralyq yntymaqtastyq máseleleri jónindegi vıtse-prezıdenti Antýan Kaze, Shyǵys tilderi jáne órkenıetteri ulttyq ınstıtýtynyń (INALCO) halyqaralyq yntymaqtastyq máseleleri jónindegi vıtse-prezıdenti Ann Grınberg, «QR Tuńǵysh Prezıdenti - Elbasy» qorynyń atqarýshy dırektorynyń orynbasary Igor Rogov, Abaı atyndaǵy QazUPÝ-dyń birinshi prorektory Maqtaǵalı Bektemesov, Abaı atyndaǵy QazUPÝ-dyń ǵylymı jumys jáne halyqaralyq yntymaqtastyq jónindegi prorektory Aqtolqyn Qulsarıeva, Sorbonna-Qazaqstan ınstıtýtynyń teń dırektorlary Gúlmıra Nýrlıhına, Marı-Ann Serv qatysty.
Abaı atyndaǵy QazUPÝ-dyń birinshi prorektory Maqtaǵalı Bektemesov Sorbonna-Qazaqstan ınstıtýty halyqaralyq jobasynyń jáne qosdıplomdyq qazaqstan-frantsýz baǵdarlamasynyń mańyzdylyǵyna toqtalyp ótti.
Qazaqstandaǵy Frantsııanyń Tótenshe jáne Ókiletti Elshisi Fılıpp Martıne túlekterdi quttyqtap, qazaq-frantsýz yntymaqtastyǵyndaǵy bilim berý jáne ǵylym salalaryn damytýǵa qosqan úlesteri úshin ýnıversıtet basshylyǵyna jáne Sorbonna-Qazaqstan ınstıtýtynyń ustazdaryna alǵysyn bildirdi.
«Sorbonna-Qazaqstan ınstıtýtynda bizdiń bolashaǵymyz qurylýda. Qazirgi tańda Frantsııa - bilim berý salasy boıynsha álemde aldyńǵy qatardaǵy el jáne startaptar men ınnovatsııalyq texnologııalar eli. Frantsııada eń úlken bıznes-ınkýbator ornalasqan. Frantsııa men Qazaqstan strategııalyq áriptestikti damytý baǵytynda elimizde bilim alatyn qazaqstandyq stýdentter sanyn kóbeıtý kerekpiz. Osy maqsatta biz QR Bilim jáne ǵylym mınıstri Erlan Saǵadıevpen birlese qazaqstandyq bilim alýshylarǵa arnalǵan Abaı Qunanbaev jáne Jıýl Vernniń atymen atalatyn jańa bilim berý baǵdarlamasyn iske qostyq. Frantsııa úkimeti «Abaı-Vern» bilim berý baǵdarlamasyn Halyqaralyq baǵdarlamalar ortalyǵymen birlese qarjylandyratyn bolady», - dedi Fılıpp Martıne.
Іs-shara barysynda Igor Rogov, Ann Grınberg ı Antýan Kaze quttyqtaý sóz sóılep, bitirýshi túlekterge tabys tiledi.
Dıplom tapsyrý saltanaty merekelik kontsertpen aıaqtaldy.
Aıta ketý kerek, 2014 jyly Abaı atyndaǵy Qazaq ulttyq pedagogıka ýnıversıtetiniń Sorbonna Parıj Sıte birlestigimen yntymaqtastyǵy aıasynda QR Prezıdenti Nursultan Nazarbaev jáne Frantsııa Prezıdenti Fransýa Ollandtyń qatysýmen Sorbonna-Qazaqstan ınstıtýty qurylǵan bolatyn. Bul ınstıtýtta bakalavrıat («Menedjment», «Marketıng», «Halyqaralyq qatynastar», «Halyqaralyq quqyq», «Psıhologııa», «Geografııa») jáne qosdıplomdyq magıstratýra («Jahandaný kezeńindegi halyqaralyq kelisim dıalog» jáne «Qazirgi álemdegi ózgeristerdi basqarý») baǵdarlamalary boıynsha mamandar frantsýz tilinde oqytylady.
