Sora uryǵyn shekaradan alyp ótpek bolǵan sheteldik ustaldy

NUR-SULTAN. QazAqparat – Túrkistan oblysyndaǵy «Jibek joly» shekarasynda esirtki zatyna uqsas dánder alyp ótpek bolǵan sheteldik azamat ustaldy. Bul týraly Túrkistan oblystyq polıtsııa departamentiniń baspasóz qyzmeti málim etti, dep habarlaıdy QazAqparat.

«Kúdikti «Belka» laqap atty qyzmettik ıttiń belgisinen keıin toqtatyldy. Er adamnan esirtki zatyna uqsas dánder tabyldy. Atalǵan derekti tártip saqshylary QR QK 286-baby 1-bóligi «Aınalystan alyp qoıǵan zattardyń nemese aınalysy shektelgen zattardyń kontrabandasy» boıynsha tirkeýge aldy. Polıtseıler kúdiktiniń qaltasynan alynǵan zatqa sot saraptamasyn taǵaıyndap, nátıjesinde onyń sora ósimdiginiń uryǵy ekendigi anyqtaldy», - delingen PD málimdemesinde.

Belgili bolǵanyndaı, kúdikti - Ózbekstannan Qazaqstanǵa ótpek bolǵan ózge eldiń azamaty. Ol sora ósimdiginiń uryǵyn bódene qusyna jem retinde alyp kele jatqanyn aıtqan. Sotqa deıingi tergeý amaldary júrip jatyr.

Eske salsaq, Túrkistan oblysy Saryaǵash aýdandyq polıtsııa bóliminiń qyzmetkerleri buǵan deıin «gashısh» esirtkisin alyp ótpek bolǵan Ózbekstan azamatyn ustaǵan bolatyn.