Sońǵy 4 jylda elimizdegi árbir sýdıaǵa túsetin ortasha aýyrtpashylyq eki esege artyp otyr - Q. Mámı
«Sottarmen qaralatyn isterdiń mazmuny - bizdiń qoǵamnyń áleýmettik hal-ahýalynyń ındıkatory bolyp tabylady. Sonymen qatar, sottarmen qaralatyn ister sanynyń ósýi qoǵamdaǵy quqyqtyq daý-damaılardy sheshýdiń tıimdi tásili retinde sottardyń ornyqqandyǵyn da kórsetedi. Sonymen bir mezgilde, sot arqyly qorǵanýǵa qatysty azamattardyń konstıtýtsııalyq quqyqtaryn júzege asyrý dınamıkasy ulttyq quqyqtyń sapaly damyp kele jatqanyn jáne bizdiń azamattarymyzdyń zańnamalyq biliminiń artqandyǵyn aıqyndaıdy. Alaıda, azamattar tarapynan ótinishterdiń mundaı kúrt ósýiniń teris jaqtary da bar. Bul - sottarǵa túsetin júktemeniń ósýi», - dedi QR Joǵarǵy sotynyń tóraǵasy. Onyń aıtýynsha, sýdıalardyń 5-sezinen keıingi sońǵy 4 jylda bir sýdıaǵa keletin ortasha aýyrtpashylyq aıyna 38-den 56 iske artty. Al mamandandyrylǵan sottar men oblystyq sottardaǵy júkteme 90-nan 130 iske deıin ósken.
«Mundaı aýqymdy aýyrtpashylyqqa qaramastan sottar ózderine júktelgen mindetterdi tolyq atqaryp keledi. Alaıda, sot qyzmetiniń mundaı kúrdeli tustary qoǵam tarapynan eleýsiz de qalyp jatyr. Degenmen olardyń shynaıy eńbegi búgingi basqosýǵa qatysyp otyrǵan sýdıalardyń árqaısysyna da belgili», - deıdi Q. Mámı.
