Sońǵy 30 jylda tabıǵı apattan eń qatty zardap shekken aımaq — Azııa

BUU Azyq-túlik jáne aýylsharýashylyq uıymynyń jańa esebine sáıkes, sońǵy 30 jylda tabıǵı apat saldarynan joǵalǵan ósimdik pen mal sharýashylyǵy óniminiń kólemi 3,6 trln eýroǵa baǵalanǵan, dep habarlaıdy Kazinform agenttigi Euronews saıtyna silteme jasap.

BUU Azyq-túlik jáne aýyl sharýashylyǵy uıymynyń (FAO) jańa esebinde tabıǵı apattar sońǵy 30 jylda aýyl sharýashylyǵy salasyna tórt trln AQSh dollary (shamamen 3,6 trıllıon eýro) kóleminde zardap ákelgeni aıtylǵan.

Uıym sarapshylary apat sany ótken ǵasyrdyń 70-jyldarymen salystyrǵanda birneshe ese artqanyn jáne áli de ósip kele jatqanyn eskertti.

— Apattar búkil álem boıynsha aýyl sharýashylyǵy salasyna buryn-sońdy bolmaǵan zııan keltirip, shyǵynǵa ushyratty. Olardyń ulǵaıý qarqyny men jıiligi — 1970 jyldardaǵy jylyna 100-den sońǵy 20 jylda shamamen 400-ge deıin ósti. Sóıtip aýyl sharýashylyǵy azyq-túlik júıesine túrli jolmen áser etip otyr. Bul — azyq-túlik qaýipsizdigine qaýip tóndiredi jáne aýylsharýashylyq sektorynyń turaqtylyǵyna nuqsan keltiredi, - deıdi FAO bas ekonomısi Maksımo Torero.

Apattardan eń kóp zardap shekken aımaq — Azııa. Odan keıin Amerıka men Eýropa.

Paıyzdyq mándegi eń úlken shyǵyndy tabysy tómen elder tartqan. 

Aýyl sharýashylyǵyndaǵy qaterdi azaıtý úshin ýaqtyly aldyn alý sharalary qajet, deıdi sarapshylar.

Mysal retinde Afrıkadaǵy shól shegirtkesiniń shabýylyna qarsy qoldanylatyn erte eskertý júıesi keltirilgen.