Somalı 30 jylda alǵash ret jańa aqsha shyǵarady

ASTANA. QazAqparat – Somalı ortalyq bankiniń basty maqsaty – ulttyq valıýtany qalpyna keltirý. Ol elge qarjy-nesıe saıasatyn tolyq baqylaýǵa alýǵa kómektesedi. Bul týraly Ortalyq bank basshysy málimdedi, dep habarlaıdy QazAqparat Bloomberg-ke silteme jasap.
None
Фото: Simon Maina/AFP/Getty Images

Somalı 1991 jyly úkimet qulap, elde azamattyq soǵys bastalǵannan keıin jańa banknot basyp shyǵarmaǵan. Buryn aınalymda bolǵan banknottardyń kóbi joǵalyp nemese tym tozyp ketti. Olardy bólinip qalǵan óńirlerden dalalyq komandırler men kásipkerler basyp shyǵaryp jáne jetkizip otyrǵan AQSh dollary men jalǵan banknottar almastyrdy. 2017 jyly Halyqaralyq valıýta qory ekonomıkada aınalymda júrgen jergilikti valıýtanyń 98%-y jalǵan ekenin anyqtady.

«Somalı ekonomıkasy keıingi 30 jyldan asa ýaqyt boıy dollarmen jumys istedi. Biz qaıtadan somalılik shıllıngti engizbeıinshe, elde qarjy-nesıe saıasatyn júrgizý ońaı bolmaıdy», - dedi Ortalyq bank basshysy Abdırahman Mohamed Abdýllahı.

Ol valıýtanyń qashan qaıta basylatynyn naqty aıtpaǵanymen, onyń orynbasary Alı ıAsın Vardhere qańtarda bank ony kelesi jylǵa josparlap otyrǵanyn málimdegen bolatyn.

Ortalyq bank 2017 jyly HVQ-men birlesip qundy aqshany shyǵarý josparymen jumys istedi, oǵan Dúnıejúzilik bank te qosyldy.

Somalı Ortalyq bankiniń basshysy keıingi eki jylda COVID-19, qatty qurǵaqshylyq pen reseı-ýkraın janjaly saldarynan soqqy alǵan ekonomıka 2023 jyly 3,1%-ǵa, kelesi jyly odan da kóp ósedi degen boljam bar.


Сейчас читают