Soltústik pen shyǵysta halyq qartaıyp barady

ASTANA. KAZINFORM — Qazaqstanda qartaıý ındeksi bir jylda 1,3 paıyzdyq tarmaqqa ósti, dep habarlaıdy ulttyq statbıýro. 

2023 jyly Qazaqstanda qartaıý ındeksi 29,5-ke jetti, bul bir jyl burynǵydan 1,3 paıyzdyq tarmaqqa joǵary (2022 jyly 28,2).

Bul degenimiz — 0 men 15 jas aralyǵyndaǵy árbir 100 balaǵa 65 jastan asqan 29,5 azamat keledi.

Bes jyl burynǵy derektermen salystyrǵanda (2019 jyly 26,5) qartaıý ındeksi aıtarlyqtaı óskenin kórýge bolady.

Óńirler boıynsha bóliniste aıtarlyqtaı aıyrmashylyq bar: qartaıýdyń eń joǵary ındeksi Soltústik Qazaqstan oblysynda — 72,9, odan keıin Shyǵys Qazaqstan oblysy 71,8 jáne Qostanaı oblysy — 62,1 tur. 

Qartaıý ındeksi eń tómen óńirler arasynda Mańǵystaý oblysy kósh bastap tur, onda 100 balaǵa 65 jastan asqan 14,3 azamat keledi.

Tómen kórsetkishter Túrkistan oblysynda (14,9) jáne Shymkent qalasynda (15,3) tirkeldi.

Aıta keteıik, qalalyq jerlerde qartaıý ındeksi joǵary — 32, al aýyldyq jerlerde bul kórsetkish tómen — 25,8.