Soltústik Koreıa kezekti ret qanatty zymyrandaryn ushyrdy

ASTANA. KAZINFORM - Soltústik Koreıa shyǵys jaǵalaýynan zymyran ushyrǵannan keıin eki kún ótken soń seısenbi kúni batys jaǵalaýynan taǵy da birneshe qanatty zymyrandy ushyrdy, dep habarlaıdy Yonhap. 

Shtab bastyqtarynyń birlesken komıtetiniń (JCS) málimdeýinshe, zymyrandar batys jaǵalaýdan jergilikti ýaqyt boıynsha tańǵy saǵat 7-de ushyryldy.

Zymyrandar sany naqtylanǵan joq.

Jeksenbi kúni Soltústik Koreıa shyǵys jaǵalaýynan birneshe qanatty zymyrandy ushyrdy.

«Búgin ushyrylǵan qanatty zymyrandardyń ushý ýaqyty 28 qańtarda ushyrylǵan zymyrandarǵa qaraǵanda uzaǵyraq boldy», - dedi Shtab bastyqtarynyń birlesken komıtetiniń ókili.