Soltústik Koreıa jańa qatty otyndy ballıstıkalyq zymyranyn synaqtan ótkizdi

TOKIO. TASS - QazAqparat - 13 sáýirde Soltústik Koreıa alǵash ret jańa «Hvason-18» qatty otyndy qurlyqaralyq ballıstıkalyq zymyranyn ushyrdy, dep habarlaıdy QazAqparat TASS aqparat agenttigine silteme jasap.

Koreıa ortalyq telegraf agenttiginiń habarlaýynsha, synaqtar «kórshi elderdiń qaýipsizdigine keri áser etken joq». Zymyrannyń eki satysy KHDR shyǵys jaǵalaýynan 10 jáne 335 shaqyrym qashyqtyqta teńizge qulaǵan. Jańa zymyran eldiń «strategııalyq qarýly kúshteriniń basty quralyna» aınalýy tıis ekeni jáne tejeý júıesinde mańyzdy ról atqaratyny atap ótildi.

Ushyrýdy Soltústik Koreıa basshysy Kım Chen Yn basqardy. Ol jańa «Hvason-18» ballıstıkalyq zymyrany eldiń ıadrolyq qarsy soqqy berý qabiletin arttyratynyn aıtty, dep habarlady juma kúni Koreıanyń ortalyq aqparat agenttigi.

Kım Chen Yn ushý nátıjelerine qanaǵattanǵan.

Onyń aıtýynsha, mundaı qarý-jaraqtyń bolýy KHDR-ǵa «ıadrolyq qarsy shabýyldy tıimdiligin arttyrýǵa» múmkindik beredi.

Soltústik Koreıa «Hvason-18» zymyranyn 13 sáýir tańda synaqtan ótkizdi. Bul elde bıyl 12-shi ret zymyran ushyryldy, 9 jaǵdaıda Phenıa ballıstıkalyq zymyrandardy synady.