SmartQala: Atyraý avtobýstarynda elektrondy bılet júıesi engizildi

ATYRAÝ. QazAqparat - Atyraýda elektrondy bılet júıesi boıynsha smart-karta tólemin júzege asyrý bastaldy, dep habarlaıdy QazAqparat tilshisi.

Smart-kartany qalanyń 11 satý núktesinen - «Tamasha» , «Ardager», «Baızar», «Dına», «Nasıha», «Kóktem», «Murager», «Lımon» saýda ortalyqtarynan, t/j vokzalynan, «Avangard», Vokzal mańy yqshamaýdanynyń sońǵy aıaldamasynan, sondaı-aq tasymaldaýshylardyń ózinen satyp alýǵa bolady.

Іshinde aqshasy joq bir kartanyń quny - 300 teńge.

Smart-karta shotyn tasymaldaýshylar kómegimen, satý núktelerinde, Qiwi-termınaldar jáne «SmartQala» mobıldi qosymshasy arqyly tolyqtyrýǵa bolady.

Jalpy halyqqa  9 tólem túri qoljetimdi - kóliktegi smart karta, bank kartasy, NFC qoldanbasy bar smartfon, QR kody, QR kartasy, SMS habarlamalar, Bluetooth, messendjer jáne jolserikke qolma-qol tóleı alasyz.

Aıta ketý kerek, bul júıe qala turǵyndaryna jolaqyny ádettegi jalaqy nemese zeınetaqy alatyn bank kartasymen tóleýge múmkindik beredi, halyqqa qolaıly jaǵdaı jasaıdy, ıaǵnı jeke avtobýs kartasyn satyp alý jáne alyp júrý qajettiligi bolmaıdy.

Sondaı-aq, árbir avtobýstyń kabınasynda kórsetilgen 9505 qysqa nómirine naqty avtobýs nómirin jazyp, SMS joldaý arqyly uıaly nómirdiń teńgerimimen de tóleýge bolady.

«Qazirgi ýaqytta «SmartQala» mobıldi qosymshasy jumys isteıdi. Onyń kómegimen tólemniń barlyq túrlerin jasaýǵa jáne karta  teńgerimin baqylaýǵa bolady. Mobıldi qosymshada tólem kózin tańdaýǵa, baılanystyrylǵan bank kartasy teńgerimi, Smart teńgerimi nemese mobıldi nómirdiń teńgerimi arqyly jol júrý úshin aqy tóleýge bolady. Kóp uzamaı bul qosymsha arqyly barlyq kommýnaldyq tólemderdi, jol aqylaryn jáne salyqtardy tóleý múmkindigi paıda bolad. Jyl sońyna deıin qosymshada avtobýstardyń kelý ýaqytyn baqylaý fýnktsıonalyn iske qosamyz. Jolaýshy qalaǵan aıaldamany tańdap, jaqyn mańdaǵy qoǵamdyq kóliktiń naqty kelý ýaqytyn kóre alady (aıaldamanyń onlaın-tablosy)», - dedi «Ѕmart -TKSh» JShS ókili Erlan Nurlanuly.

Búginde 54 avtobýs mobıldi termınaldarmen jabdyqtalǵan. 1 qarashaǵa deıin qalanyń barlyq 200 avtobýsyn jabdyqtaý jáne olarǵa QR-kod berý josparlanyp otyr.

«Atyraý qalasynyń qoǵamdyq kólikterinde elektrondy bılet júıesin engizý oń nátıje beredi. Bul qozǵalystyń ashyqtyǵyn qamtamasyz etedi, azamattardyń áleýmettik sanattary boıynsha statıstıkany júrgizýge, bıýdjetke salyq túsimderin arttyrýǵa, qoǵamdyq kólikterdi baqylaýǵa múmkindik beretinine senemiz»,-dep málimdedi Erlan Nurlanuly.

Atyraýdaǵy jobanyń artyqshylyǵy - tólemder onlaın-formatta qabyldanady jáne tólemderdiń barlyq 9 túri bir ıntegratsııalanǵan júıede jumys jasaıdy.