SІM Mysyrǵa qatysty shekteýdi alyp tastady

ASTANA. KAZINFORM – Syrtqy ister mınıstrligi Mysyr Arab Respýblıkasynyń barýǵa usynylmaıtyn memleketter tiziminen shyǵarylǵanyn habarlaıdy.

Bul sheshim atalǵan eldegi qazirgi jaǵdaıdy, sondaı-aq azamattyq ınfraqurylymnyń, onyń ishinde halyqaralyq áýejaılar men týrıstik aımaqtardyń jumys isteý jaǵdaılaryn eskere otyryp qabyldandy.

— Sonymen qatar, Taıaý Shyǵystaǵy ahýaldyń áli de shıelenisti bolyp qalýyna, sondaı-aq óńirdiń birqatar memleketinde áýe keńistiginiń mezgil-mezgil jabylýyna baılanysty Qazaqstan Respýblıkasynyń Syrtqy ister mınıstrligi kelesi elderge jaǵdaıdyń tolyq turaqtanýyna deıin saparlardan bas tartý jónindegi usynymdaryn saqtaıdy: Bahreın, Birikken Arab Ámirlikteri, Izraıl, Iemen, Iordanııa, Irak, Iran, Qatar, Saýd Arabııasy Koroldigi, Kýveıt, Lıvan, Oman jáne Sırııa, — delingen SІM habarlamasynda.

Óńirde júrgen Qazaqstan Respýblıkasynyń azamattaryna jeke qaýipsizdik sharalaryn kúsheıtý, yqtımal qaýipti aımaqtarǵa barýdan bas tartý, jergilikti bılik organdarynyń nusqaýlaryn qatań saqtaý, sonyń ishinde zymyrandyq qaýip týyndaǵan jaǵdaıda dereý baspanalarǵa (qorǵanys oryndaryna) barý, sondaı-aq Qazaqstan Respýblıkasynyń sheteldegi mekemelerimen, týroperatorlarmen jáne áýe tasymaldaýshylarymen turaqty baılanysta bolý qajettigi taǵy da eske salynady.

Aıta ketelik Qazaqstan Túrkistandy Iran boıynsha kelissóz alańy retinde usynýǵa daıyn ekenin jazǵan edik.