SІM Aqjarqyn Turlybaıdyń jaǵdaıy týraly málimet berdi

ASTANA. KAZINFORM –  Syrtqy ister mınıstrliginiń resmı ókili Aıbek Smadııarov vedomstvonyń baspasóz  máslıhatynda  Qytaıda sottalǵan Qazaqstan azamatshasy Aqjarqyn Turlybaıdyń jaǵdaıy týraly málimet berdi.

«Sońǵy 6-7 jylda áleýmettik jelide neshe túrli aqparat shyqty. Bireýin de rastaǵan joqpyz. Sondyqtan oǵan qatysty aqparatty rastaı almaımyn. Eger qandaı da bir suraqtaryńyz bolsa, Bas prokýratýraǵa habarlassańyz bolady. Ekstradıtsııaǵa osy memlekettik organ jaýap beredi», - dedi ol.

BAQ ókilderi Syrtqy ister mınıstrligi Aqjarqyn Turlybaımen sońǵy ret qashan baılanysqanyn surady.

«Biz baılanystamyz, jaǵdaıy jaqsy», - dedi Aıbek Smadııarov.

Al «Ol týysqandarymen qansha ret kezdesedi», - degen suraqqa: «Ony bizge aıtqan joq», - dep jaýap berdi.