Slovenııa Prezıdenti Nazarbayev University stýdentterine dáris oqydy

ASTANA. KAZINFORM — 31 naýryzda Qazaqstanǵa resmı sapary aıasynda Slovenııa prezıdenti Natasha Pırts-Mýsar hanym Nazarbayev University-ge kelip, «Jan-jaqtylyqtyń tómendeýi — ańyz ba, álde shyndyq pa?» taqyrybynda dáris oqydy. 

Словения Президенті Nazarbayev University студенттеріне дәріс оқыды
Фото: Солтан Жексенбеков/Kazinform

Sharaǵa ýnıversıtten 200-den astam stýdent, oqytýshy jáne qyzmetker qatysty.

Qonaqty Qazaqstan Respýblıkasynyń tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev, NU vıtse-prezıdentteri Kadısha Daıyrova men Ásel Ývalıeva, sondaı-aq vıtse-prorektor Loretta O’Donnell kútip aldy. Dáris bastalǵanǵa deıin Pırts-Mýsar hanym ýnıversıtettiń qurmetti qonaqtaryna arnalǵan arnaıy kitapta jazba qaldyrdy.
Slovenııa Prezıdenti óz sózinde bitimgershilik saıasat, sý resýrstary, adam quqyqtaryn qorǵaý, qorshaǵan ortany qorǵaý, jasandy ıntellekt jáne genderlik teńdik sııaqty mańyzdy jahandyq taqyryptardy qozǵady. Prezıdent genderlik ádilettiliktiń erekshe mańyzyn atap ótip, atalǵan máselelerdiń barlyǵyn sheshý úshin halyqaralyq deńgeıde ujym retinde birigip kúsh-jiger jumsaý qajet ekenin atap ótti.

Slovenııa Prezıdenti Nazarbayev University stýdentterine dáris oqydy
Foto: Soltan Jeksenbekov/Kazinform

«Genderlik teńdik pen genderlik ádilettilik týraly sóz etkim keledi. Olardyń arasyndaǵy aıyrmashylyq mynada: teńdik — barlyǵyna birdeı aıaq kıim berý, al ádildik — árkimge ózine saı keletin aıaq kıim berý. Sol úshin genderlik ádilettilik kóptegen saıası qadamdy qajet etedi. Slovenııa áıelderdiń quqyqtaryn belsendi túrde qorǵaıdy, sondaı-aq olardyń kóshbasshylyq pozıtsııalarda bolýyn qoldaıdy. Men Slovenııanyń alǵashqy áıel prezıdentimin, oǵan qosa Slovenııa Parlamentinde áıelderdiń úlesi — 36%. Bul kórsetkishter birtindep ósýde, biraq áli de jumys kóp», — dep atap ótti Pırts-Mýsar hanym.

Sonymen qatar Slovenııa Prezıdenti Qazaqstan men Slovenııa arasyndaǵy, ásirese jasandy ıntellekt jáne sý resýrstaryn basqarý salasyndaǵy yntymaqtastyqtyń áleýetine senim bildirdi.

Slovenııa Prezıdenti Nazarbayev University stýdentterine dáris oqydy
Foto: Soltan Jeksenbekov/Kazinform

«Qazaqstan men Slovenııa — múmkindikter kóp elder. Bizdiń bıznes-qaýymdastyqtar bul sózderdi rastaıdy dep úmittenemin», — dedi ol.

Dáristen keıin stýdentter Slovenııa Prezıdentine suraqtar qoıyp, halyqaralyq saıasat pen áleýmettik damýdyń mańyzdy aspektilerin talqylaı aldy.

NU-ǵa barar aldynda Slovenııa Prezıdenti Qazaqstan Prezıdenti Qasym-Jomart Toqaevpen kelissóz júrgizdi, sondaı-aq BAQ ókilderine arnalǵan brıfıngke qatysty. Onda Memleket basshysy Q.J. Toqaev Iozef Stefan atyndaǵy slovenııalyq ınstıtýt NU-men áriptestik ornatýǵa múddeli ekenin, óz kezeginde, Qazaqstan Slovenııanyń joǵary oqý oryndarymen jáne zertteý ortalyqtarymen yntymaqtastyqty keńeıtýge daıyn ekenin atap ótti.

Aıta keteıik, elordada Slovenııa Prezıdentiniń bastamasymen sýret kórmesi ótedi.

Сейчас читают