Slovakııanyń premer-mınıstrine kim oq atty

ASTANA. KAZINFORM – Slovakııalyq BAQ ustalǵan adamnyń jeke basy týraly málimetterdi jarııalady. Ol Slovakııanyń batysynda ornalasqan Levıtsa qalasynyń 71 jastaǵy turǵyny ıÝraı Tsıntýla bolyp shyqty.

Slovakııa premer-mınıstri Robert Fıtsoǵa shabýyl jasaǵan adam oqıǵa ornynda dereý ustaldy. Habarlanǵandaı, shabýylshy saıasatkerge bes ret oq atqan.

Slovakııalyq JOJ telearnasynyń habarlaýynsha, ustalǵan azamat ıÝ.Tsıntýla 1953 jyly týǵan. Ol 2005 jyly «Dýga» ádebı klýbynyń negizin qalaýshylardyń biri boldy.

2016 jylǵa deıin osy ádebı klýbtyń tóraǵasy bolyp, úsh óleń jınaǵyn jazdy. 2015 jyldan bastap – Slovakııa jazýshylary qoǵamynyń múshesi. JOJ 24 málimetinshe, 2016 jyly ol Levıtsa qalasyndaǵy saýda ortalyǵynda júrgizýshi bolyp jumys istegen.

Shabýyl jasaý úshin ıÝraı Tsıntýla resmı tirkelgen qysqa oqpandy qarýdy qoldanǵan. Ol qamaýǵa alý kezinde premer-mınıstrdiń saıasatymen kelispeıtinin málimdedi.

Slovakııanyń ishki ister mınıstri Matýsh Shýtaı Eshtoktyń aıtýynsha, bul saıası astarly áreket ekeni anyq. Bas prokýror Marosh Jılınka quqyq qorǵaý organdary premer-mınıstrdiń atylýyna ymyrasyz jaýap beretinin aıtty.

Slovakııa prezıdenti premer-mınıstrge jasalǵan shabýyldy «demokratııaǵa jasalǵan shabýyl» dep atady.

Shabýyldy tek kórshi memleketterdiń ókilderi ǵana emes, Eýropalyq jáne álemdik kóshbasshylar, sonyń ishinde Eýrokomıssııa prezıdenti Ýrsýla fon der Lıaıen, AQSh prezıdenti Djo Baıden, Reseı prezıdenti Vladımır Pýtın jáne Qazaqstan prezdenti Qasym-Jomart Toqaev aıyptady.

R.Fıtsoǵa jasalǵan shabýyldan keıin Slovakııa parlamentiniń qazirgi sessııasynyń jumysy belgisiz merzimge toqtatyldy.