Slovakııa kásipkerleri Qazaqstandaǵy reformalardy joǵary baǵalady
Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.
Prezentatsııada QR Elshisi Tólejan Barlybaev slovak kásipkerlerin qazaqstandyq reformalardyń barysy týraly habardar etip, Ádiletti Qazaqstandy qurýdyń aýqymdy baǵdarlamasy – saıası jańǵyrtý, jańa ekonomıkalyq saıasat, áleýmettik sala men adamı kapıtaldy damytý sheteldik ınvestorlar úshin keń múmkindikter ashatynyn atap ótti.
Dıplomat el basshylyǵynyń bastamasymen qolǵa alynǵan kásipkerlikti júıeli qoldaý, salyqtyq jeńildikter, básekelestikti damytý jáne barlyǵyna teń múmkindikter jasaý sharalary Qazaqstandaǵy ekonomıkalyq ósimge qýatty serpin beredi jáne ınvestıtsııalyq ahýaldy jaqsartady degen pikir bildirdi.
Slovak kásipkerleri Astananyń reformalarǵa júıeli kózqarasyn joǵary baǵalap, qazaqstandyqtar konstıtýtsııalyq ózgeristerdi qoldaý arqyly óz eliniń saıası jáne áleýmettik-ekonomıkalyq damýynda ilgeri tarıhı qadam jasaǵanyn atap ótti.
Qazaqstannyń ekonomıkalyq baǵdarlamasy, bıznes-ortany jáne ınvestıtsııalyq ahýaldy jaqsartý sharalary erekshe qyzyǵýshylyq týdyrdy. Qazaqstannyń belsendi syrtqy saıası qyzmeti de, atap aıtqanda jaqynda Qazaqstan astanasynda ótken birqatar iri halyqaralyq forýmdar men kezdesýlerdiń tabysty nátıjeleri atap ótildi. Іs-sharaǵa qatysýshylar «jahandyq saıasattyń daýyldy muhıtynda Qazaqstan turaqtylyq araly, álemdik qaýymdastyq úshin senimdi jáne boljamdy seriktes bolyp qalýda» degen ortaq pikirge keldi.
Sonymen qatar, Respýblıka kúnine oraı Túrkııa, AQSh, Slovakııa jáne Qazaqstan dıplomattarynyń qatysýymen ústel tennısinen shaǵyn týrnır ótti. Júldegerlerge Qazaqstan Respýblıkasynyń ulttyq merekesine oraı arnaıy daıyndalǵan kýboktar men medaldar tabys etildi. Sondaı-aq dıplomatııalyq ókildik «Qazaq oıý-órnegi» ulttyq qoldanbaly óneriniń qoldan toqylǵan buıymdarynyń kórmesin uıymdastyrdy, ony slovak jurtshylyǵynyń ókilderi tamashalady.
Foto: gov.kz
