Skorıngtik model: 26 myńnan astam adamǵa qosymsha qoldaý kórsetildi

ASTANA. KAZINFORM — Qaraǵandy oblysy men Shymkent qalasynda otbasylardyń ál-aýqatyn anyqtaýda skorıngtik modeldi paıdalana otyryp, memlekettik qoldaý sharalaryn taǵaıyndaý boıynsha pılottyq jobany iske asyrý jalǵasyp otyr. Qazirgi ýaqytta 4 memlekettik qyzmet tolyǵymen engizildi, 26,1 myń ótinish berýshige qosymsha qoldaý sharalary kórsetildi. Bul týraly Eńbek jáne halyqty áleýmettik qorǵaý mınıstrligi málim etti.

Vedomstvonyń málimetinshe, qazirgi ýaqytta «Turǵyn úı kómegin taǵaıyndaý», «Jeke turǵyn úı qorynan jalǵa alynǵan turǵyn úıdi jaldaý aqysynyń bir bóligin sýbsıdııalaý» jáne «Múgedektigi bar balalardy úıde oqytýǵa jumsalǵan shyǵyndardy óteý» sııaqty úsh qyzmetti taǵaıyndaý kezinde pılottyq aımaqtarda skorıngtik model qoldanylady.

Pılottyq joba aıasynda turǵyn úı kómegi túrindegi qoldaýǵa 1215 adam ótinish bildirip, barlyq ótinishter qanaǵattandyryldy.

Jaldaý aqysynyń bir bóligin sýbsıdııalaýǵa 1268 ótinish tústi. Skorıngtik model boıynsha olardy qaraý nátıjesinde 484 otbasynyń ál-aýqatynyń joǵary deńgeıi anyqtaldy.

«Múgedektigi bar balalardy úıde oqytýǵa jumsalǵan shyǵyndardy óteý» qyzmetine ótinishter aǵymdaǵy jyldyń 1 qyrkúıeginen bastap qabyldana bastady. Barlyǵy 1256 ótinish túsip, upaı sany boıynsha onyń 32-si ál-aýqaty boıynsha 6-sanatqa jatatyn otbasylardan ekeni anyqtalǵan.

«Múgedektigi bar balalardy úıde oqytýǵa jumsalǵan shyǵyndardy óteý» qyzmetine alǵashqy ótinishter oqý jylynyń basynda tústi. Aǵymdaǵy jyldyń 1 qyrkúıeginen bastap 1256 ótinish qabyldandy, onyń ishinde skorıng qorytyndysy boıynsha 32 ótinish ál-aýqat deńgeıin baǵalaý boıynsha 6-sanattaǵy otbasylar qatarynan tanyldy.

Sonymen qatar Shymkent qalasy men Qaraǵandy oblysy mektepteriniń áleýmettik pedagogtary úshin «Bilim berý uıymdarynyń stýdentteri men tárbıelenýshilerine qarjylyq jáne materıaldyq kómek kórsetý» qyzmetine ótinishterdi qabyldaý kezinde otbasylardyń ál-aýqatynyń deńgeıin tekserý fýnktsıonaldyǵy engizildi.

— Skorıngtik modelge qoljetimdilikti qamtamasyz etetin platformany 317 mektep (Qaraǵandy ​​oblysy — 202, Shymkent qalasy — 115) paıdalanady. Atalǵan bilim berý uıymdarynyń áleýmettik pedagogtary 22382 ótinishti qarady, onyń ishinde ball jınaý nátıjesi boıynsha 74-i turmysy joǵary otbasylardan (Qaraǵandy ​​oblysy — 16, Shymkent qalasy — 58) boldy, — delingen habarlamada.

Pılottyq joba aıasynda jergilikti atqarýshy organdar tarapynan ál-aýqatynyń joǵary deńgeıine (6-sanat) jatqyzylǵan otbasylar qosymsha qoldaý sharalaryna muqtaj emes ekeni anyqtaldy.

Esterińizge sala keteıik, buǵan deıin alty memlekettik organ (QR ǴJBM, QR OM, QR TSM, QR ÓQM, QR JITsDM jáne QR EHÁQM) otbasynyń ál-aýqatynyń deńgeıin anyqtaýdyń skorıngtik modelin paıdalana otyryp, Biryńǵaı tsıfrlyq platforma arqyly bilim berý, halyqty áleýmettik qorǵaý, turǵyn úı qatynastary jáne dene shynyqtyrý salalarynda memlekettik qyzmetterdi kórsetý boıynsha pılottyq jobany iske asyrý týraly birlesken buıryqqa qol qoıǵan bolatyn.

– Otbasynyń ál-aýqatyn anyqtaýdyń skorıngtik modeli 23 áleýmettik-demografııalyq jáne ekonomıkalyq krıterıılerge negizdelgen. Qosymsha qoldaý sharalaryna ótinish bildirgen barlyq otbasylar 6 sanatqa jikteledi — asa qajettilikten (azyq-túlikke qarajattyń bolmaýy) joǵary ál-aýqatqa deıin (materıaldyq qıyndyqtar joq). Sheshim Otbasynyń tsıfrlyq kartasy arqyly jınalǵan obektıvti derekter negizinde avtomatty túrde qabyldanady, – dep jazdy vedomstvodan.

Kómek barlyǵyna birdeı emes, qajettiligine qaraı kórsetiledi. Materıaldyq kórsetkish retinde: tabys, múlik, kólik, nesıelerdiń bolýy; jáne materıaldyq emes (densaýlyq, múgedektik, bilim deńgeıi), sondaı-aq táýeldilik aýyrtpalyǵy jáne jasyryn tabystyń bolýy, mysaly, beıresmı jumys esepke alynady

2 jáne odan da kóp turǵyn úıi, 2 jáne odan da kóp kólik quralynyń bolýy, zańdy tulǵa retinde tirkelýi (JK, JShS) jáne bir otbasy múshesine shaqqandaǵy aılyq tabysy eń tómengi kúnkóris deńgeıiniń 4 deńgeıinen asatyn úı qojalyǵy — ál-aýqat deńgeıi joǵary 6-sanatqa jatqyzylady. Mundaı otbasylar jergilikti bıýdjetterden qarjylandyrylatyn qosymsha áleýmettik qoldaý sharalaryn alýshylardyń qatarynan shyǵarylady.

1-5 sanatqa jatqyzylǵan otbasylardy qoldaý sharalaryn taǵaıyndaý avtomatty túrde júzege asyrylady.

Skorıngtik modeldi engizý respýblıkalyq bıýdjetten tólenetin áleýmettik tólemderge (barlyǵy 41 túrine) áser etpeıtinin erekshe atap ótken jón. Bazalyq jáne yntymaqty zeınetaqylar, júktiligi jáne bala kútimi boıynsha 1,5 jasqa deıingi járdemaqylar, kópbalaly analarǵa jáne marapattalǵan analarǵa beriletin járdemaqy, múgedektik boıynsha jáne múgedektigi bar kútimi boıynsha járdemaqylar, asyraýshysynan aıyrylý boıynsha járdemaqy, arnaýly memlekettik jáne basqa da járdemaqy túrleri ózgerissiz tólenetin bolady.

Sondaı-aq ataýly áleýmettik kómek jáne mindetti áleýmettik saqtandyrý júıesine qatysýshylarǵa arnalǵan Memlekettik áleýmettik saqtandyrý qorynan tólenetin áleýmettik tólemderdiń 5 túri birdeı kólemde saqtalady.

Aıta keteıik, jyl basynan beri áleýmettik tólemderge 555 mlrd teńgeden astam qarjy jumsaldy.