«Skolkovo» qorynyń basshysy qazaqstandyq jobalarǵa qyzyǵýshylyq tanytty
«Bul forým - qos eldiń ınnovatsııalyq damýyn salystyrýǵa múmkindik beretin shara. Qazaqstan men Reseı mádenıeti bir-birimine uqsaıdy. Eki elde de taýar men qyzmet erkin júzege asyrylady. Endi jasampaz jobalarǵa basymdyq beretin ýaqyt keldi. Bul máselelerdi jıynda bas qosqan premer-mınıstrler jáne basqa da quzyrly organ ókilderi talqylaýy tıis. Bul iske mınıstrler men qoldaý ınstıtýttaryn, iri kompanııalardy qosý kerek. Búgingi forým soǵan tamasha múmkindik bolmaq», - dedi Arkadıı Dvorkovıch.
A. Dvorkovıch Qazaqstan men Reseı arasyndaǵy ortaq jobalar týraly da tilge tıek etti. Sarapshy Reseı ınnovatsııalyq kompanııalarynyń Qazaqstan tehnoparkinde qalaı jumys istep jatqanyn kórgen.
«Máskeý, Novosibir, Qazan qalalarynda jasalǵan jobalar is júzinde Almatyda júzege asyrylyp jatyr. Bul jobalar óndiristik ınternet, jasandy ıntellekt, úlken málimetter bazasy, medıtsınadaǵy blokcheın tehnologııalary, aýyl sharýashylyǵy, logıstıka salasynda bolyp otyr», - dedi Arkadıı Dvorkovıch.
Onyń aıtýynsha, bul úshin birneshe element - irgeli ǵylym, bilim, startap, iri kompanııalar, kapıtaldy biriktirý kerek.
«Qazaqstandyq novatorlardyń paıdaly qazbalardy óndirý, óńdeý salasyndaǵy jobalary qyzyqtyrdy. Úlken málimetter bazasy qarjy júıesindegi tólemderdi baqylaýǵa, qarjylyq quqyqbuzýshylyqtyń aldyn alýǵa múmkindik beredi. Aýyl sharýashylyǵy salasynda túrli dándi daqyldardy ósirý men býdandastyrý salasynda da óte qyzyqty jobalar bar eken», - ded spıker.
Búgin Eýrazııalyq ekonomıkalyq odaq Úkimet basshylary Almatyda ótip jatqan forým barysynda tsıfrlandyrý máselelerin talqylap jatyr. Jıyndy QR Aqparat jáne kommýnıkatsııalar mınıstrligi uıymdastyrdy. «Jahandaný dáýirindegi tsıfrlandyrýdyń kún tártibi 2.0.» dástúrli forýmy Nursultan Nazarbaevtyń bastamasymen ótkizilip keledi. Alqaly jıyn EAEO múshe elderi arasynda tsıfrlyq tehnologııalardy birige damytýǵa baǵyttalǵan.
