SQO sút óndirisiniń kólemin 1 mln tonnaǵa deıin jetkizýdi josparlap otyr
Bul týraly oblys ákimi Qumar Aqsaqalov ortalyq kommýnıkatsııalar qyzmetinde ótken baspasóz konferentsııaynda aıtty.
«Elimizde sońǵy úsh jylda 32 ónerkásiptik sút kesheni qoldanysqa engizildi. Tek Soltústik Qazaqstan oblysynda ǵana 12 keshen ashyldy. ıAǵnı, árbir úshinshi ferma bizdiń oblysta salynǵan. Bıyldyń ózinde 16 keshen salyp jatyrmyz. Jyl aıaǵyna deıin sonyń onyn iske qosamyz. Jyl saıyn 10-15 osyndaı fermany iske qosyp otyramyz. Barlyǵy kem degende 52 taýarly-sút fermasyn salý josparlanǵan», - degen aımaq basshysy talǵan nysandar 64 eldi mekenniń aınalasynan salynatynyn jetkizdi.
«Bul nysandar oblystyń 64 aýylynyń mańaıynan boı kóteredi. Bul - eki myńnan astam aýyl turǵyny jyl on eki aı jumyspen qamtylady degen sóz. Osy jobalardyń arqasynda sút óndirisiniń kólemin 598 myń lıtrden 1 mln tonnaǵa deıin jetkizý josparlanǵan. Ár qazaqstandyq jyl saıyn 340 lıtr sút tutynatynyn eskersek, bizdiń oblys búginde shamamen 1 mln 700 myń adamdy sútpen qatamasyz etip otyr», -dedi Qumar Aqsaqalov.
