SQO sport basqarmasyna Qarlyǵash Ramazanova jetekshilik etedi

ASTANA. KAZINFORM — Soltústik Qazaqstan oblysynyń dene shynyqtyrý jáne sport basqarmasynyń jańa basshysy taǵaıyndaldy, dep habarlaıdy oblys ákimdiginiń baspasóz qyzmeti.

Oblys ákiminiń ókimimen, QR Mádenıet jáne sport mınıstrligimen kelisim boıynsha, SQO ákimdiginiń dene shynyqtyrý jáne sport basqarmasynyń basshysy bolyp Qarlyǵash Ásetqyzy Ramazanova taǵaıyndaldy. 

Eńbek jolyn 2004 jyly M.Qozybaev atyndaǵy SQMÝ-dyń sporttyq pánder kafedrasynda oqytýshy bolyp bastaǵan. Sport salasynda mol tájirıbesi bar.

Buǵan deıin Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıtetine qarasty Ulttyq jáne at sporty túrleri ortalyǵy dırektorynyń orynbasary qyzmetin atqarǵan.

Osydan buryn Sáken Amrın Soltústik Qazaqstan oblysy ákimdiginiń Densaýlyq saqtaý basqarmasyn basqaratynyn jazǵanbyz.