SQO sotynyń tóraǵasy bolyp Serikjan Ǵabdýlın taǵaıyndaldy
PETROPAVL. KAZINFORM — Joǵarǵy Sot tóraǵasy Aslambek Merǵalıev Petropavlǵa kelip, Soltústik Qazaqstan oblysynyń sot korpýsyna oblystyq sottyń jańa tóraǵasy Serikjan Ǵabdýlındi tanystyrdy.
SQO sotynyń málimetinshe, is-sharaǵa oblys ákiminiń birinshi orynbasary Marat Tasmaǵanbetov, sýdıalar, oblystyń quqyq qorǵaý organdarynyń birinshi basshylary jáne sot ákimshiligi departamentiniń ókilderi qatysty.
Serikjan Ǵabdýlınniń 25 jyldyq sýdıalyq ótili bar, onyń 17 jylyn birinshi satydaǵy sottarda atqarǵan.
Serikjan Ǵabdýlın 1970 jyly Reseıdiń Túmen oblysynda dúnıege kelgen.
1996 jyly Omby memlekettik ýnıversıtetiniń zań fakýltetin bitirgen.
1993-1999 jyldary ishki ister jáne prokýratýra organdarynda qyzmet etti;
1999 — 2013 jyldary — Petropavl qalalyq sotynyń sýdıasy, tóraǵasy;
2013–2016 jyldary — SQO Aqqaıyń aýdandyq sotynyń tóraǵasy;
2016–2020 jyldary — SQO sotynyń sýdıasy;
2020 jyldan osy qyzmetke taǵaıyndalǵanǵa deıin — Aqmola oblystyq sotynyń azamattyq ister jónindegi sot alqasynyń tóraǵasy boldy.
Buǵan deıin Shymkent qalasynyń jer qatynastary basqarmasyna jańa basshy taǵaıyndalǵanyn jazǵan edik.