SQO-da respýblıkalyq joldardy kútip ustaýǵa 17,6 mlrd teńge bólindi

PETROPAVL. KAZINFORM – Soltústik Qazaqstan oblysynda respýblıkalyq mańyzy bar avtomobıl joldarynyń jalpy uzyndyǵy 1970 shaqyrym. Onyń 19% qanaǵattanarlyqsyz jaǵdaıda.

«Qazavtojol» UQ» AQ SQO fılıaly dırektorynyń orynbasary Qanat Ýserbaevtyń aıtýynsha, bul joldyń 124 km asfalt jabyny joq, qıyrshyq tas tóselgen.

Bıyl respýblıkalyq mańyzy bar joldardy jóndeýge, kútip ustaýǵa 17,6 mlrd teńge bólindi, bul byltyrǵydan 5,1 mlrd teńgege artyq.

«Bul somanyń 5,2 mlrd teńgesi joldy qaıta jańartýǵa, 3,1 mlrd teńgesi – kúrdeli jóndeýge, 6,4 mlrd teńgesi – ortasha jóndeýge, qalǵan 2,9 mlrd teńgesi kútip ustaýǵa jumsalmaq.

Іri jobalardyń biri – Mamlıýtkadan Reseıdiń Qorǵan qalasynyń shekarasyna deıingi jol ýchaskesin qaıta jańartý, 30,2 km salynýy tıis, bıyl júzege asyrýǵa 6,4 mlrd teńge qajet.

Omby baǵytyndaǵy «Kókshetaý-Kishkenekól, Bıdaıyq-RF shekarasy» A-13 avtojolynyń jalpy 58 km ortasha jóndeýden ótedi. Bıyl 3 mlrd teńge jumsalady, eki merdiger kompanııa bekitilgen», - deıdi Qanat Ýserbaev.

Al ortasha jóndeý bes nysanda júrgizilmek, jalpy uzyndyǵy 118 km, bul maqsatqa 5 mlrd teńge bólingen. Jóndeý jumystary Taıynsha, Aqqaıyń, Jumabaev, Esil, Mamlıýt, Jambyl aýdandarynda júrgiziledi. Jobalardyń keıbiri byltyrdan qalǵan.

«Qys mezgilinde táýlik boıy kezekshilik uıymdastyrylǵan. Joldar tazalanyp, qum sebiledi. Qaýipsizdikti qamtamasyz etý úshin monıtrong júrgiziledi.
Bıyl qys ýaqytynda joldar qolaısyz aýa raıyna baılanysty 43 ret jabyldy. Jyl basynan beri bizdiń joldarda 7 jol-kólik oqıǵasy boldy. Byltyr 102 jol-kólik oqıǵasy tirkelip, 28 adam qaıtys boldy, 204 adam jaraqattandy», - deıdi Qanat Ýserbaev.