SQO-nyń 20 shaqty kóline tuqy men aq saqa jiberildi
PETROPAVL. KAZINFORM – Soltústik Qazaqstan oblysynda balyq qoryn saqtaý jáne molaıtý boıynsha belsendi jumys qolǵa alyndy. Bul is-shara Qazaqstannyń balyq sharýashylyǵyn damytýǵa baǵyttalǵan memlekettik baǵdarlama aıasynda júzege asyrylyp jatyr.
Qazirgi ýaqytta sý qoımalaryn paıdalanýshylar óńirdegi 19 kólge tuqy men aq saqa tuqymdas balyqtardyń 93,3 myń shabaǵyn jiberdi. Atalǵan sý aıdyndarynyń qatarynda Dolgoe Bolshoe, Tereńkól, Kaldar, Bashkırskoe, Sladkoe, Ýglovoe, Gaıdýkovo, Novoe, Sterhovo, Belenok, Býzaı, Gorkoe, Evtıýshkıno, Krıvoe, Nemetskoe, Rybnoe, Chıstoe (Meńgeser), Qarasor jáne Aqsýat kólderi bar. Bul ıgi sharaǵa 104 mıllıon teńge jumsalǵan.
Aıta keteıik, aq saqa tuqymdas balyq shabaqtary Reseıdiń shekaralas aımaqtarynan, sondaı-aq Aqmola jáne Qaraǵandy oblystaryndaǵy mamandandyrylǵan balyq pıtomnıkterinen jetkiziledi.
Memlekettik tapsyrys aıasynda Sergeev sý qoımasyna 1 mıllıon dana tuqy shabaǵyn jiberý josparǵa engizildi. Sonymen qatar Esil óńiraralyq basseındik balyq sharýashylyǵy ınspektsııasynyń memlekettik ınspektorlary balyq aýlaý merzimderin saqtaý boıynsha baqylaý júrgizip jatyr.
Jyl saıynǵy «Ýyldyryq shashý» atty balyq qorǵaý aktsııasy aıasynda tabıǵat qorǵaý zańnamasyn buzý derekteriniń aldyn alý maqsatynda reıdtik sharalar kúsheıtildi.
Buǵan deıin elimizde balyq sharýashylyǵy qyzmetkerleriniń kásibı merekesi toılanǵanyn jazǵan edik.