SQO mektepterinde qyzmetkerlerdiń quqyǵy júıeli túrde buzylyp kelgen
PETROPAVL. KAZINFORM — SQO prokýratýrasy bilim mekemelerinde tekserý júrgizip, jumysshylardyń quqyǵy óreskel buzylǵanyn anyqtady.
Aqjar, Qyzyljar, Ýálıhanov aýdandarynyń oqý oryndarynda Eńbek kodeksiniń 182-babyn buza otyryp, 524 qyzmetker arnaıy kıimmen (maqta matadan tigilgen halatpen, rezeńke qolǵappen, ottan qorǵaıtyn aljapqyshpen, bııalaımen jáne basqa quraldarmen) qamtamasyz etilmegen.
Qyzyljar aýdanynda kodekstiń kórsetilgen normasyna qaıshy, jalpy bilim beretin mektepterde úı-jaı qyzmetkerleri rezeńke qolǵapsyz dezınfektsııa quraldaryn paıdalanyp, sanıtarlyq tazalaý jumystaryn júrgizgen.
Sonymen birge, kodekstiń 33-babyn buza otyryp Aqjar aýdanyndaǵy 5 orta mektepte 10 jumysshy eńbek shartyn jasamaı jumys istegen.
Petropavl qalasyndaǵy jalpy bilim beretin mektepte kodekstiń 182-babynyń talaptaryn buzyp, basshylar men jaýapty tulǵalardy eńbek qaýipsizdigi jáne eńbekti qorǵaý máseleleri boıynsha oqytý jáne bilimin tekserý uıymdastyrylmaǵan.
Qadaǵalaý organynyń aktileri boıynsha qyzmetkerlermen eńbek sharty jasalyp, arnaıy kıim berý jáne laýazymdy adamdardy zańda belgilengen jaýapkershilikke tartý sharalary júrip jatyr.
