SQO-ǵa jańa bas sanıtarııa dárigeri taǵaıyndaldy
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirdiń memlekettik bas sanıtar dárigeri bolyp Áset Jumataev taǵaıyndaldy.
Áset Jumataev SQO Esil aýdany Birlik aýylynda 1981 jyly dúnıege kelgen.
2004 jyly Qaraǵandy memlekettik medıtsınalyq akademııasyn «medıtsınalyq-profılaktıkalyq is» mamandyǵy boıynsha támamdaǵan.
Eńbek jolyn 2004 jyly QR Ádilet mınıstrliginiń QAJ qyzmetinde bastady.
2007-2008 jyldar aralyǵynda SQO Aqqaıyń aýdany memlekettik sanıtarlyq epıdemıologııalyq qadaǵalaý basqarmasynyń bas mamany bolyp eńbek etti. 2008-2013 jyldary osy basqarmada sanıtarlyq-gıgıenalyq bólimniń basshysy. Al 2013-2019 jyldary Aqqaıyń aýdandyq qoǵamdyq densaýlyq saqtaý basqarmasyn basqardy.
2019 jyldan bastap osy laýazymǵa taǵaıyndalǵanǵa deıin Petropavl qalalyq sanıtarlyq-epıdemıologııalyq baqylaý basqarmasynda basshy boldy.
