SQO-daǵy saılaý protsesin 6 halyqaralyq baıqaýshy qadaǵalaýda

PETROPAVL. QazAqparat – Soltústik Qazaqstan oblysyna Parlament Májilisine jáne barlyq deńgeıdegi máslıhattarǵa depýtattardyń saılaýyna shetelden tek 6 baıqaýshy ǵana keldi, dep habarlaıdy QazAqparat tilshisi.

SQO-da búgin 650 saılaý ýchaskesi jumys istep jatyr. Óńir boıynsha barlyǵy 399 375 saılaýshy bar. Olar 5 partııadan tirkelgen 469 kandıdatqa daýys beredi.

Al saılaýdyń barysyn bul joly tek 6 halyqaralyq baıqaýshy ǵana baqylaıdy. Olardyń barlyǵy - Reseıdiń Túmen oblysynan kelgender.

«Koronavırýs ınfektsııasy bıylǵy saılaýǵa áser etpeı qoıǵan joq. Kópshiligi qaýipti vırýsqa baılanysty kelýge bas tartty. Reseılik baqylaýshylardyń barlyǵy PTR test tapsyrdy. Jalpy bıyl oblys boıynsha da baqylaýshylardyń sany kóp emes. Bas sanıtarııa dárigeriniń qaýlysyna sáıkes ǵımarattyń aýmaǵy eskeriledi. ıAǵnı, oryn sany shektelgen», - deıdi SQO saılaý komıssııasy tóraǵasynyń orynbasary Sergeı Kalının.