SQO-daǵy Beskól aýylynyń turǵyndary aýyz sýdan ýlanǵan

PETROPAVL. QazAqparat – Soltústik Qazaqstan oblysy Beskól aýylynyń turǵyndary krannan aqqan sýdy iship ýlanyp jatyr. Sanıtarlyq dárigerler alǵan sý synamasynan onyń mıkrobqa toly ekeni anyqtaldy, dep habarlaıdy QazAqparat tilshisi.

Búgin SQO óńirlik kommýnıkatsııalar qyzmetinde mamandar Beskól aýylynda turǵyndardyń jappaı neden ýlanyp jatqanyn aıtyp berdi.

Qyzyljar aýdandyq sanıtarııalyq-epıdemıologııalyq baqylaý basqarmasyna aýdandyq aýrýhanadan 105 jedel habarlama túsken. Dárigerler emdeý mekemesine Beskól aýyly turǵyndarynyń qusyp, ystyǵy kóterilip, ishi ótip (dıareıa) kelip jatqanyn aıtqan. Medıtsına qyzmetkerleri syrqattarǵa «enterovırýsty ınfektsııa» dıagnozyn qoıdy.

«Qazirgi ýaqytta sanıtarııalyq-epıdemıologııalyq qyzmet epıdemııaǵa qarsy jáne aldyn alý is-sharalaryn júrgizip jatyr. Aýyrǵandardyń úıinen jáne Esil ózeni quıatyn kólden sýdyń synamasy alynyp, sanıtarııa-hımııalyq, bakterıologııalyq jáne vırýsologııalyq kórsetkishterge tekserildi.

Nátıjesinde úılerden alynǵan 6 synama bakterıologııalyq kórsetkishter boıynsha oń nátıje kórsetti. ıAǵnı aýyz sý lastanǵan. Qosymsha saraptama taǵaıyndaldy», - deıdi Qyzyljar aýdanynyń bas memlekettik sanıtar dárigeri Jangeldi Ibraev.

3 maýsymdaǵy málimet boıynsha, qazir emdeý mekemelerine 18 adam jatqyzylǵan. Onyń bireýi ǵana – eresek. Jaǵdaılary qalypty. Em-dom qabyldap jatyr.

«Jaǵdaı durystalǵanǵa deıin krannan sý ishpeýge keńes beremiz. As-sýǵa tek qana qaınatyp qoldanýǵa bolady. Іshýge bótelkedegi taza sýdy paıdalaný kerek. Sondaı-aq ázirge ashyq sý qoımalarynda sýǵa shomylmaý qajettigin eskertemiz», - deıdi Jangeldi Ibraev.

Eske sala ketsek, buǵan deıin Beskól aýylynyń 100-den astam turǵyny belgisiz ınfektsııadan aýyryp, dárigerlerdiń kómegine júgingen edi