SQO-daǵy jylda jolyn sý basatyn Prıbrejnoe eldi mekenine kópir salynady
PETROPAVL. KAZINFORM — Soltústik Qazaqstan oblysynda kóktemgi sý tasqynymen kúresý maqsatynda birqatar joba qolǵa alynbaq.
Bul týraly SQO ákimi Ǵaýez Nurmuhambetov áleýmettik jelidegi paraqshasynda jazdy. Óńir basshysynyń aıtýynsha, sonyń biri — jyl saıyn sý tasqyny saldarynan aralda qalyp qoıatyn Prıbrejnoe eldi mekenine qatysty. Máseleni sheshý úshin oblystyq joldy jóndep, avtokópir salý josparda bar. Nátıjesinde aýyl jyl boıy kólik qatynasymen qamtamasyz etiledi. Jobanyń saraptamasy jyl sońynda shyǵady, al kelesi jyly qurylys jumystary bastalady.
— Bıylǵy kóktemgi tasqyn Petropavldaǵy Ýşev kóshesindegi, Bylǵary kenti jáne Bıotoǵan bógetterin beton plıtalarymen nyǵaıtýdyń tıimdiligin kórsetti. Endi betondaý jumystary Teplıchnoe men Prıbrejnoe aýyldarynda jalǵasady. Odan keıin kezekte Beskól aýyly tur. Bul qorǵanys qurylymdarynyń beriktigin nyǵaıtyp, eldi mekenderdi bolashaqtaǵy qaýip-qaterden qorǵaýǵa múmkindik bermek, — dedi Ǵaýez Nurmuhambetov.
Buǵan deıin SQO-da ishimdikten bas tartqan aýyldar sany artqanyn jazǵan edik.